توي فوتوگرافتارى اجىراسىپ تىناتىن جۇپتاردىڭ بەلگىلەرىن اتادى

كەي فوتوگرافتاردىڭ ايتۋىنشا، توي بارىسىندا ۇرىسۋ جاستاردىڭ باقىتىنا الاڭداۋعا ءجيى سەبەپ بولادى. «ءبىر جۇپ توي بويى ۇرىسىپ شىقتى. ءبىر-بىرىنە قاراعان دا جوق. بىزگە، ءتىپتى، فوتوشوپ ارقىلى كۇيەۋى كۇلىپ تۇرعانداي قىلىپ وزگەرتۋگە تۋرا كەلدى»، - دەيدى قولدانۋشى Golden-lining.

ەگەر نەكەلەسكەن جاستاردىڭ ءبىرى ۇزاق ۋاقىت بويى ۇندەمەسە، مۇندا دا جۇپتىڭ باقىتتى بولىپ كەتۋىن كۇتپەگەن دۇرىس. بۇل - قولدانۋشى Compulsive-Gremlin-نىڭ پىكىرى. «ءبىر جىگىت توي بويى كوپ دەگەندە ون ءسوز ايتتى. ال قالىڭدىق پەن ونىڭ اناسى، كەرىسىنشە، وتە كوپ سويلەدى. قالىڭدىعى ءبارىنىڭ كىرشىكسىز وتكەنىن قالادى. ءبىر جىلدان سوڭ ولار اجىراسىپ كەتتى»، - دەيدى ول.

توي الدىنداعى فوتو ءتۇسىرىلىمدى جوسپارلاۋ كەزىندە ءبىر-ءبىرىنىڭ اۋەستىگىن قۇرمەتتەمەۋ دە جامان بەلگى سانالادى. فوتوگرافتاردىڭ ءبىرى دوستارىمەن بىرگە جابايى باتىستاعى كوۆبويلار وبرازىندا سۋرەتكە تۇسكىسى كەلگەن، ءبىراق قالىڭدىعى يوركپەن تۇسۋگە ءماجبۇر ەتكەن جىگىت تۋرالى ايتىپ بەردى.

«مەن تويدان كەيىنگى سۋرەتتىڭ جارتىسىن عانا دايىنداپ ۇلگەرگەنمىن، كۇيەۋى حابارلاسىپ، قالىڭدىعىمەن اجىراسىپ كەتكەنىن ايتتى»، - دەپ جازدى c64bandit قولدانۋشىسى.

كەي فوتوگرافتار تويداعى تورتتى كەسۋ مانەرىنە دەيىن كوڭىل بولگەن.

«انت ەتەمىن، ءبىر-ءبىرىنىڭ بەتىنە تورت لاقتىرعان جۇپتاردىڭ ءبارى كەيىن اجىراسىپ كەتتى. ال ولاي جاساماعاندار ءالى بىرگە ءجۇر. مۇمكىن بۇل ءبىر- بىرىنە دەگەن قۇرمەت شىعار»، - دەدى فوتوگراف.

Plymouthvan دەگەن لاقاپ اتپەن تىركەلگەن فوتوگراف ساياباقتا سۋرەتكە تۇسكەن جۇپتاردىڭ كەيىن اجىراسىپ كەتەتىنىن بايقاعان. ءبىراق قولدانۋشى مۇنىڭ سەبەبىن تۇسىندىرە المادى. «بۇل لوكاتسيا «قارعىس اتقان شالعىن» شىعار»، - دەيدى ول.