سارسەنبى كۇنگە اۋا رايى بولجامى
نۇر-سۇلتان. قازاقپارات - 10- ءساۋىر كۇنى اتموسفەرالىق فرونتتاردىڭ وتۋىنە بايلانىستى رەسپۋبليكانىڭ وڭتۇستىگىندە جانە وڭتۇستىك-شىعىسىندا جاڭبىر، كەي جەرلەرىندە قاتتى جاڭبىر جاۋادى.
ەلىمىزدىڭ قالعان اۋماعىندا جاۋىن-شاشىنسىز كۇن رايى كۇتىلەدى. كەي جەرلەردە تۇمان ساقتالادى. وڭتۇستىكتە جەل جىلدامدىعىنىڭ ارتۋى، نايزاعاي جانە بۇرشاق بولجانادى، دەپ حابارلايدى قازاقپارات.
«قازگيدرومەت» ر م ك مالىمەتىنشە، جامبىل، تۇندە جانە تاڭەرتەڭ تۇركىستان وبلىستارىنىڭ كەي جەرلەرىندە جەلدىڭ كۇشى 15-20 م/س ارتاتىنى كۇتىلەدى، بۇرشاق جاۋۋى مۇمكىن.
قاراعاندى، الماتى، شىعىس قازاقستان وبلىستارىنىڭ جەكەلەگەن اۋماقتارىندا جەلدىڭ ەكپىنى 15-20 م/س ارتۋى ىقتيمال.
شىعىس قازاقستان وبلىسىنىڭ كەي جەرلەرىندە تۇمان بولجانادى.
ماڭعىستاۋ، باتىس قازاقستان، سولتۇستىك قازاقستان وبلىستارىنىڭ كەي جەرلەرىندە، سونداي-اق تۇمان كۇتىلەدى.