ءساۋىردىڭ ەڭ سۋىق كۇندەرى قاي كەزدە بولادى

 نۇر- سۇلتان. قازاقپارات - ءساۋىر ايىنىڭ ەڭ سۋىق كۇندەرى ەكىنشى جانە ءۇشىنشى ونكۇندىكتىڭ ورتاسىنا ءدوپ كەلەدى.

بۇل تۋرالى و ك ق- دا وتكەن باسپا ءسوز ءماسليحاتىندا «قازگيدرومەت» ر م ك اۋا رايىن ۇزاق مەرزىمگە بولجاۋ باسقارماسىنىڭ باسشىسى جۇلدىز يسابەكوۆا ءمالىم ەتتى، دەپ حابارلايدى قازاقپارات ءتىلشىسى.

«ءساۋىر ايى ءالى دە اۋىسپالى ماۋسىمنىڭ ورتاسى بولعاندىقتان، اۋا رايى قۇبىلمالى بولماق. ايدىڭ ورتاسىنا قاراي بۇكىل قازاقستان باتىس جانە وڭتۇستىك سيكلونداردىڭ ىقپالىندا بولىپ، ەلىمىزدىڭ وڭتۇستىك- شىعىس جانە شىعىسىندا نايزاعاي ويناپ، ەكپىندى جەل سوعادى؛ بۇرشاق جاۋىپ، سولتۇستىكتە جاڭبىردىڭ ارتى ەري جاۋاتىن قارعا ۇلاسادى؛ سونداي- اق ەكپىندى جەل سوعىپ، كوكتايعاق بولادى؛ تۇنگى جانە كۇندىزگى ساعاتتاردا تۇمان ءتۇسىپ، نوسەر جاڭبىر جاۋادى» ، - دەيدى جۇلدىز يسابەكوۆا و ك ق- دا وتكەن باسپا ءسوز ءماسليحاتىندا.

قازگيدرومەت وكىلىنىڭ ايتۋىنشا، ساۋىردە سولتۇستىكتە اۋا تەمپەراتۋراسى تۇندە 0,-5°س- تان +2+7°س دەيىن، كۇندىز +8+13°س- تان +12+20°س دەيىن بولسا، ەلىمىزدىڭ وڭتۇستىگىندە تۇندە +5+13°س- تان +10+15°س دەيىن، كۇندىزگى ۋاقىتتا +12+23°س- تان +18+26°س ارالىعىندا بولادى.

«ەڭ سۋىق كۇندەر ەكىنشى جانە ءۇشىنشى ونكۇندىكتىڭ ورتاسىنا كەلەدى: رەسپۋبليكانىڭ باسىم بولىگىندە تەمپەراتۋرا -5-10°س دەيىن، كەي جەرلەردە 0 °س، كۇندىز -2+6°س دەيىن تومەندەيدى. وڭتۇستىك جارتىسىندا - تۇندە اۋا رايى 0,+5°س دەيىن تومەندەپ، توپىراق بەتىندە 3°س دەيىن قاتقاق بولادى. كۇندىز +7+15°س دەيىن تومەندەيدى» ، - دەيدى ول.