قازاقستان مەن تۇركيانىڭ ىستانبۇلعا جەتۋى ءتيىس ءبىرقاتار رەيستەرى توقتاتىلدى

2019-جىلدىڭ 5- ساۋىرىندە ىستانبۇل ۋاقىتى بويىنشا، ساعات 03:00 دە جولاۋشىلار رەيستەرىن «Istanbul Atatürk Airport»  اۋەجايىنان جاڭا  «Istanbul Airport» اۋەجايىنا كوشىرۋ جۇمىستارى باستالدى. اتالمىش شارالاردى 6- ءساۋىر كۇنى ىستانبۇل ۋاقىتى بويىنشا ساعات 23:59 عا دەيىن اياقتاۋ جوسپارلانىپ وتىر.

وسىلايشا، «Istanbul Atatürk Airport»  اۋەجايى بيىلعى جىلدىڭ 6- ءساۋىرى كۇنى ىستانبۇل ۋاقىتى بويىنشا، ساعات 02:00 گە دەيىن جۇمىسىن توقتاتادى. «Istanbul Atatürk Airport»  اۋەجايى جۇمىسىن توقتاتقان سوڭ، بارلىق كوممەرتسيالىق ىشكى جانە حالىقارالىق جولاۋشىلار رەيستەرى 2019-جىلدىڭ 6- ءساۋىرى كۇنى ساعات 14:00 دەن باستاپ، «Istanbul Airport» اۋەجايى ارقىلى ۇشىرىلا باستايدى.

وسى جۇمىستارعا بالانىستى ءبىرقاتار قازاقستاندىق جانە تۇركيالىق اۋە كومپانيالارىنىڭ ىستانبۇلعا ۇشۋى ءتيىس رەيستەرى توقتاتىلدى.

«جولاۋشىلاردا اتالعان ماسەلەگە نازار اۋدارۋعا شاقىرامىز»، - دەلىنگەن حابارلامادا.