گولوۆكين الۆارەسپەن ءۇشىنشى جەكپە- جەككە دايىندالىپ جاتىر
ويتكەنى گولوۆكين قىركۇيەكتە ساۋل الۆارەسپەن (51-1-2, 35 ك و) جۇدىرىقتاسۋعا دايىندالىپ جاتىر. بۇل تۋرالى vringe.com-عا سىلتەمە جاساپ «SPORTINFORM» حابارلايدى.
«بىزگە تاجىريبەلى قارسىلاس كەرەك، ويتكەنى گولوۆكين قىركۇيەكتە الۆارەس نەمەسە مۋنگۋيامەن كەزدەسەدى. سول ءۇشىن ول ناعىز بابىندا بولۋى كەرەك» ، - دەيدى ابەل سانچەس.
گولوۆكين ءۇشىن باستى ماقسات - الۆارەسپەن ءۇشىنشى جەكپە- جەك بولىپ تۇر.
«مەنىڭشە، جانكۇيەرلەر دە، ساراپشىلار دا ءۇشىنشى جەكپە- جەكتى كورگىسى كەلەدى. ويتكەنى ولار گولوۆكين مەن الۆارەستى ورتا سالماقتاعى الەمنىڭ ۇزدىك بوكسشىلارى دەپ سانايدى. «كانەلو» دجەيكوبستان ءوتىپ، ءبىز ماۋسىمدا جەڭىسكە جەتسەك، بارلىعى دا الۆارەس تاراپىنىڭ ەنشىسىندە بولادى. ولاردىڭ ءۇشىنشى جەكپە- جەكتى قالايتىن- قالامايتىنىن سوندا ءبىلىپ الامىز» ، - دەيدى سانچەس.
«ءبىراق تەك «كانەلو» ەمەس، باسقا بوكسشىلار دا بار. ماسەلە تەك چەمپيوندىق بەلبەۋلەردىڭ بولۋىندا عانا ەمەس، جەكپە- جەك تە ەلدى قىزىقتىراتىنداي بولۋى كەرەك» ، - دەدى ول.
