تۇسىڭىزدە بيلەسەڭىز، وڭىڭىزدە نە بولادى؟

نۇر-سۇلتان. قازاقپارات - ءتۇس جورۋ اركىمنىڭ قولىنان كەلە بەرمەيتىن ءىس. ءتۇسىڭىزدى بىرەۋگە جورىتپاس بۇرىن، ول ادامنىڭ بۇدان حابارى بارىنا كوز جەتكىزىڭىز.

ايتپەسە تىلسىم دۇنيەنىڭ شىمىلدىعى اشىلعاننىڭ ورنىنا، كەرىسىنشە شاتاسۋىڭىز مۇمكىن. KAZ. NUR. KZ نازارلارىڭىزعا ءتۇس جورۋ ۇسىنادى.

تۇسىڭىزدە بيلەۋ اۋىرتپالىقتاردان ارىلاتىنىڭىزدى بىلدىرەدى.

ەگەر جىلدام، ىرعاقتى ءبي بيلەسەڭىز، وندا قيىندىقتار تەز اياقتالادى دەگەن ءسوز.

باياۋ، سەزىمتال ءبي قازىرگى جاعدايدان ءلاززات الىپ جۇرگەنىڭىزدى بىلدىرەدى. بيلەگەندە مۋزىكا ويناماسا، وندا بۇل ءسىزدىڭ جان دۇنيەڭىزدىڭ بەرىكتىگىن، كۇش-قايراتىڭىزدىڭ كوپتىگى.

ەندى تۇسىڭىزدە كىممەن بيلەگەنىڭىزگە ءمان بەرىڭىز.

قاريا، ەگدە جاستاعى اداممەن بيلەۋ - قاجەتتى كومەك الاسىز؛

اكەڭىز نەمەسە اناڭىز - تابىسقا جەتەسىز؛

ۇل نەمەسە قىز - تاۋەكەلگە باراسىز، جاڭا ءىس باستايسىز؛

بالاڭىز - ايىرىلىسۋ؛

قۇربىڭىز- بوس ءسوز، وسەك؛

كۇيەۋ بالا، كەلىن - كوڭىلىڭىز تۇسەدى، اشۋلاناسىز؛

تۇسىڭىزدە بيلەپ، جۇرتتىڭ كوڭىلىن وزىڭىزگە اۋدارساڭىز، وندا تاۋەكەلگە بارىپ، ۇلكەن تابىسقا قول جەتكىزەسىز دەگەن ءسوز.

ەگەر بيلەپ جاتقاندا ەدەننىڭ شىرىك ەكەنىن كورسەڭىز، وندا كوپ ۇزاماي قيىندىقتار باستالاتىنىن ەسكەرتەدى.

ەگەر سۇيىكتىڭىزبەن بيلەسەڭىز كوپ ۇزاماي قانداي دا ءبىر نارسە ساتىپ الاسىز دەگەن ءسوز. ءتىپتى باسپانالى بولۋىڭىز مۇمكىن.

ەگەر سۇيىكتىڭىزبەن ايىرىلىسقان بولساڭىز، وندا مۇنداي ءتۇس كوپ ۇزاماي قايتا قوسىلاتىنىڭىزدى بىلدىرەدى.

قايتىس بولعان اداممەن بيلەسەڭىز، كوپ ۇزاماي كوپ ەڭبەكتەنىپ، تەر توگۋگە تۋرا كەلەتىنىن ەسكەرتەدى.

باسشىڭىزبەن بيلەسەڭىز، وندا جۇمىستا اباي بولىڭىز. باسشىلىق سىزگە كوز قىرىن سالىپ ءجۇر.

بيلەگىڭىز كەلىپ، ءبىراق بيلەي الماي، يكەمسىزدىك تانىتساڭىز، وندا شىنايى ومىردە كوپكە ۇلگى بولاتىن دارەجەگە جەتەسىز.