اۋانىڭ لاستانۋى اعزاعا قالاي اسەر ەتەدى

 نۇر- سۇلتان. قازاقپارات - BBC باسىلىمىنىڭ جازۋىنشا، كەلەسى اپتادان باستاپ لوندون ورتالىعىنا كىرگىسى كەلەتىن كولىك يەلەرى اقى تولەۋگە مىندەتتەلەدى. ونىڭ ماقساتى - اۋا لاستانۋىنىڭ الدىن الىپ، اۋرۋ كورسەتكىشىن تومەندەتۋ.

«عالىمدار اۋا لاستانۋىنىڭ كەسىرى ۇلكەن ەكەنىن ايتقان سوڭ قالا بيلىگى وسىنداي شەشىمگە كەلگەن. لوندون ءمەرى ساديك حان اۋا لاستانۋىنىڭ سالدارى سىرت كوزگە بايقالمايتىنىن، ءبىراق بۇل جاعداي قوعامدىق دەنساۋلىق ساقتاۋ سالاسىندا توتەنشە جاعداي سانالاتىنىن ايتتى» ، دەپ جازادى باسىلىم.

اۆتوردىڭ ايتۋىنشا، لاستانعان اۋاداعى كوزگە كورىنبەيتىن بولشەكتەر ادام ميىنا ءتۇسىپ، دەنساۋلىعىن قاتتى زاقىمدايدى.

«بىرىنشىدەن، اۋا لاستانۋى استماعا الىپ كەلەدى. سەبەبى اۋاداعى زياندى بولشەكتەر تىنىس الۋ جولدارىنا ءتۇسىپ، وكپەنى زاقىمدايدى. بولشەكتەر ءتىپتى وكپەدەن بولەك ميعا دا ءتۇسۋى مۇمكىن. سونداي- اق برونحيت، ەمفيزەما، وكپە راگى سياقتى اۋرۋلاردىڭ پايدا بولۋىنا دا اۋانىڭ لاستانۋى اسەر ەتەدى» ، دەپ جازادى باسىلىم.