قانداي جاعدايدا بانك نەسيە بەرمەيدى؟

None
None
 نۇر-سۇلتان. قازاقپارات - بانكتەن نەسيە الۋ ءبىر ساتتىك وڭاي شارۋا سياقتى كورىنەدى.

بانك بولىمشەلەرىنىڭ بىرىنە جەكە كۋالىكپەن كەلىپ، جارنامادا ايتقانداي 15 مينۋتتا راسىمدەي سالاتىن دۇنيە، ءبىر قاراعاندا.

ءبىراق نەسيە بارلىعىنا بىردەي ماقۇلدانا بەرمەيدى. بانك نە سەبەپتى نەسيە بەرۋدەن باس تارتقانىن ناقتى ءتۇسىنۋ ءۇشىن مىنا جايتتارعا نازار اۋدارىڭىز.

№1. راستالعان تابىستىڭ بولماۋى

ەگەر ءسىز ەش جەردە جۇمىس ىستەمەسەڭىز نەمەسە جۇمىسىڭىز بەيرەسمي، ەش سالىقسىز، زەينەتاقى تولەمىنسىز «قارا» جۇمىس بولسا، بانك، البەتتە، نەسيە بەرمەيدى. راستالعان تابىستى كورۋ ءۇشىن بانك زەينەتاقى قورىنا سۇرانىس جىبەرەدى. سول ارقىلى ءسىزدىڭ كىرىسىڭىز انىقتالادى.

№2. جەتكىلىكسىز ەڭبەك ءوتىلى

بۇل وتە ماڭىزدى. ءبىراق ەڭبەك ءوتىلى نەسيە تاريحى، تابىس كولەمىمەن قاتار ەسكەرىلەتىنىن ءبىلۋ كەرەك. ەگەر ەڭبەك ءوتىلىڭىز كەرەكتى مەرزىمنەن (ادەتتە 6 اي) از بولعان جاعدايدا، نەسيە تاريحىڭىز جاقسى بولعاننىڭ وزىندە نەسيە بەرمەۋى مۇمكىن.

№3. جەتكىلىكسىز تابىس نەمەسە قارىز جۇكتەمەسى

تۇراقتى جالاقى نەسيەگە كەپىل بولا المايدى. جالاقىنىڭ كولەمى دە ماڭىزدى. بانك «قارىز جۇكتەمەسى» اتتى نارسەنى پايدالانادى. ءسىزدىڭ وزگە نەسيەلەرىڭىزدى، كوممۋنالدىق قىزمەتتەردى تولەيتىن- تولەمەيتىنىڭىزدى جانە تاعى سول سياقتى فاكتورلاردى قورىتا كەلە ءسىزدىڭ تولەم جاساۋ قابىلەتىڭىزدى انىقتايدى. بانك قارىز جۇكتەمەسىنىڭ كوەففيسيەنتىم انىقتاپ، نەسيەنى تولەۋ وتباسىلىق بيۋدجەتكە نۇقسان كەلتىرمەۋدىڭ قامىنا كىرىسەدى.

مىسالى. ءسىزدىڭ جالاقىڭىز 180000 تەڭگە دەلىك، وندا بارلىق قارىز (بارلىق نەسيە) بويىنشا تولەمىڭىز جالاقىنىڭ %50 نەن اسپاۋى ءتيىس، ياعني نەسيەلەرگە كەتەتىن سوما 90000 تەڭگەدەن اسپاۋى كەرەك. ەگەر ءسىز جاڭا نەسيە العىڭىز كەلىپ، ءبىراق وعان دەيىن العان نەسيەڭىز بولسا، مىسالى 30000 تەڭگەلىك، وندا جاڭا نەسيەڭىزدىڭ اي سايىنعى تولەمى 60000 تەڭگەدەن اسپاۋى كەرەك.

№4. نەسيە تاريحىنىڭ ناشار بولۋى

نەسيە تاريحى - نەسيەنى قۇپتاماۋعا سەبەپ بولاتىن تاعى ءبىر فاكتور. بۇعان دەيىن بولعان جانە ءالى دە تولەنىپ كەلە جاتقان نەسيەلەردىڭ مەرزىمىنەن كەشىكتىرىلۋى نەسيە تاريحىنا كەرى اسەر ەتەدى. نەسيەلەرىڭىزدى قاي كۇنى تولەگەنىڭىز بانكتەرگە ورتاق بازادا تىركەلىپ وتىرادى.

№5. قارا ءتىزىم

بۇل زاڭمەن رەتتەلمەيدى، ءبىراق كەي بانك وزدەرى ءۇشىن قۇپيا ءتىزىمدى جاساي الادى. بۇل تىزىمگە ەنگىڭىز كەلمەسە، كەزەكتە تۇرىپ ايقاي- شۋ شىعارۋدى، قىزمەتكەرگە دورەكىلىك كورسەتىپ، ارەكەتىڭىزدى سمارتفونعا ءتۇسىرۋدى توقتاتىڭىز. بانك باسشىلىعىنا ولاردىڭ قىزمەتىنە كوڭىلىڭىز تولمايتىنى تۋرالى حات جازۋدى دا قويىڭىز. نەسيەنى ۋاقىتىنان بۇرىن تولەۋ دە سىزگە پايدا اكەلمەۋى مۇمكىن. سەبەبى سىزگە بەرىلگەن نەسيە ارقىلى بانك تاباتىن پايداسىنان قاعىلادى.

بانك سىزگە قارا ءتىزىمدى جاساۋدىڭ كريتەرييلەرىن ايتپايدى. ءبىراق وسى تىزىمگە ەنبەۋ ءۇشىن ولاردىڭ كەڭسەسىندە جانجالداسپاۋعا تىرىسىڭىز.

 

سوڭعى جاڭالىقتار