ەلوردادا قوعامدىق كولىكتىڭ قاتىسۋىمەن تاعى ءبىر جول اپاتى بولدى

«300№ اۆتوبۋس قورعالجىڭ تاسجولىمەن قالاعا قاراي كەلە جاتقان. ونىمەن ءبىر باعىتتا قوزعالعان «سۋبارۋ» ماركالى اۆتوكولىك اۆتوبۋستى باسىپ وزىپ، كەنەت جولاۋشىلار كولىگىنىڭ الدىنا توقتاي قالعان. اقىرى اۆتوبۋس جەڭىل اۆتوكولىكتىڭ ارتىنا سوعىلعان»، - دەپ حابارلادى «استانا ل ر ت» كومپانياسىنان.

كومپانيادان ءمالىم ەتكەندەي، جول-كولىك وقيعاسىنان زارداپ شەككەندەر جوق.

«ەشكىم زارداپ شەككەن جوق. 300№ اۆتوبۋستىڭ جۇرگىزۋشىسىنە قاتىستى حاتتاما تولتىرىلدى. ول ا پ1 (اۆتوبۋس پاركى) باسشىلىعىنىڭ شەشىمى بويىنشا، جۇمىستان شەتتەتىلىپ، بىلىكتىلىك ورتالىعىنا قايتا وقۋعا جىبەرىلەدى»، - دەلىنگەن حابارلامادا.

اۆتوبۋس جۇرگىزۋشىسىنىڭ 13 جىلدىق ەڭبەك ءوتىلى بولعان. ون جىلدان بەرى 1№ اۆتوپاركتە ەڭبەك ەتەدى.

ەسكە سالا كەتسەك، وسىدان بىرنەشە كۇن بۇرىن ەلوردادا ۇلكەن جول-كولىك اپاتى بولدى. قالا ماڭىنا قاتىنايتىن جۇردەك اۆتوبۋس قاتتى جىلدامدىقپەن باعدارشامدا تۇرعان اۆتوبۋسقا سوعىلدى. 301№ باعداردىڭ جۇرگىزۋشىسى جانە الدىڭعى ورىندا وتىرعان ءبىر جولاۋشى وقيعا ورنىندا كوز جۇمدى.

جول اپاتىنان 36 ادام جاراقات الدى. ءبىر ايەلدىڭ اياعى امپۋتاتسيالاندى.

ال كەشە ق ر ىشكى ىستەر ءمينيسترى ەرلان تۇرعىمبايەۆ اتالمىش جول اپاتى بويىنشا تەرگەۋدىڭ بارىسى تۋرالى ايتتى.

«سوتقا دەيىنگى مەديتسينالىق ساراپتاما جۇرگىزىلىپ جاتىر. بارلىقتارىڭىز دا «سەرگەك» كامەرالارىنىڭ ارقاسىندا اۆتوبۋستىڭ قالاي سوعىلعانىن كوردىڭىزدەر. ەگەر تەجەگىشى ىستەن شىقسا، جۇرگىزۋشى اپاتتى بولدىرماۋدىڭ وزگە شارالارىن قابىلدايتىن ەدى. مەديتسينالىق ساراپتاما جۇرگىزىلىپ جاتىر. ول جۇرگىزۋشى ءولىمىنىڭ سەبەبىن كورسەتىپ بەرەدى»، - دەدى مينيستر ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا.

سونىمەن قاتار ول اۆتوبۋسقا دا تەحنيكالىق ساراپتاما جۇرگىزىلىپ جاتقانىن ايتتى. «اۆتوبۋستىڭ الدىڭعى بولىگىنىڭ تالقانى شىققان. مەنىڭشە، ءبىر ايدىڭ ىشىندە جاۋابىن بەرەمىز»، - دەدى ە. تۇرعىمبايەۆ.