بۇگىن ەلدىڭ باسىم بولىگىندە جاۋىن-شاشىندى بولادى
وڭتۇستىك تاۋلارىندا جاڭبىر قاتتى جاۋادى. رەسپۋبليكانىڭ تەك شىعىسىندا سارسەنبى جاۋىن-شاشىنسىز وتەدى. ەلىمىزدىڭ كەي جەرلەرىندە تۇمان، ەكپىندى جەل، نايزاعاي، شاڭدى داۋىل كۇتىلەدى، بۇرشاق جاۋۋى مۇمكىن، دەپ حابارلايدى قازاقپارات.
«قازگيدرومەت» ر م ك اقپاراتىنا سايكەس، تۇركىستان وبلىسىنىڭ كەي جەرلەرىندە بۇرشاق جاۋۋى مۇمكىن، 15-20 م/س جىلدامدىقتاعى جەلدىڭ ەكپىنى تۇندە 25 م/س كۇشەيۋى ىقتيمال.
سولتۇستىك قازاقستان وبلىسىنىڭ جەكەلەگەن اۋماقتارىندا تۇمان بولجانادى، جەلدىڭ كۇشى 23-28 م/س ارتۋى مۇمكىن.
قىزىلوردا وبلىسىنىڭ كەي جەرلەرىندە تۇمان، شاڭدى-داۋىل كۇتىلەدى، جەلدىڭ ەكپىنى 15-20 م/س جەتەدى.
قوستاناي وبلىسىنىڭ كەي جەرلەرىندە تۇمان، 15-20 م/س جىلدامدىقتا جەل بولجانادى.
اقمولا وبلىسىنىڭ كەي جەرلەرىندە تۇمان، كۇندىز كەي جەرلەرىندە 15-20 م/س ەكپىندە جەل بولادى.
جامبىل وبلىسىنىڭ كەي جەرلەرىندە تۇمان، جەلدىڭ كۇشى 15-20 م/س جەتەدى.
ماڭعىستاۋ، اتىراۋ، باتىس قازاقستان، قاراعاندى وبلىستارىنىڭ كەي جەرلەرىن تۇمان باسىپ، جەل 15-20 م/س ارتادى.
پاۆلودار، شىعىس قازاقستان وبلىستارىنىڭ تۇندە جانە كۇندىز كەي جەرلەرىندە تۇمان كۇتىلەدى.
اقتوبە وبلىسىنىڭ كەي جەرلەرىندە جەل 15-20 م/س جەتەدى.