نۇر-سۇلتاندا تۇرعىنداردىڭ بەت-الپەتىن تانيتىن دوموفوندار ورناتىلدى

None
None
 نۇر-سۇلتان. قازاقپارات - استانانىڭ «اقىلدى اۋدانىندا» تۇرعىنداردىڭ بەت- الپەتىن تانيتىن Face Recognition 3 دوموفون ورناتىلدى، دەپ حابارلايدى قازاقپارات.

بۇل تۋرالى «سيفرلىق قازاقستان» مەملەكەتتىك باعدارلاماسىنىڭ فەيسبۋكتاعى پاراقشاسىندا جاريالاندى.

«بۇدان بىلاي، دوموفوننىڭ ماگنيت كىلتىن جوعالتىپ الامىن دەپ قورقۋدىڭ قاجەتى جوق. جاڭا تەحنولوگيالار مۇنىڭ بارلىعىنان ارىلتۋعا مۇمكىندىك بەرەدى. سونىمەن بىرگە، بارايەۆ كوشەسىندەگى 12- ءۇيدىڭ تۇرعىندارى كىرەبەرىس ەسىكتى بانك كارتاسىمەن نەمەسە قوعامدىق كولىكپەن جۇرەتىن LRT كارتاسىمەن نەمەسە موبيلدى قوسىمشا ارقىلى اشا الادى»، - دەلىنگەن حابارلامادا.

ينتەللەكت جۇيەلەر دەرەكتەر قورىنا ەنگەن تۇلعالاردى عانا «تانيدى» جانە سولارعا عانا ەسىكتى اشادى.

دەرەكتەر قورى تۇرعىنداردىڭ كەلىسىمىمەن عانا تولتىرىلادى. بازاعا ەنبەگەندەر ادەتتەگىدەي ماگنيت كىلتتى پايدالانادى.

ايتا كەتەيىك، «اقىلدى اۋدان» جوباسى جەكە ينۆەستيتسيالار ەسەبىنەن جۇزەگە اسىرىلادى. مۇندا سىناقتان وتكەن جاڭا تەحنولوگيالار تۇتاس قالاعا قولدانىلادى.

سوڭعى جاڭالىقتار