كاسىپقوي بوكس: جان كوسوبۋتسكي كەلەسى كەزدەسۋىن وتكىزەدى

نۇر-سۇلتان. قازاقپارات - قازاقستاندىق نوكاۋتەر جان كوسوبۋتسكي ءوزىنىڭ كەلەسى كەزدەسۋىن 24- ءساۋىر كۇنى بەلارۋستا وتكىزەدى، دەپ حابارلايدى قازاقپارات قازاقستان بوكس فەدەراتسياسىنا سىلتەمە جاساپ.

جان كوسوبۋتسكيدىڭ كىممەن ايقاس وتكىزەتىنى ءالى بەلگىسىز. كەزدەسۋ بەلارۋس استاناسى مينسكتە وتەدى. ايتا كەتەرلىگى، سوڭعى رەت رينگكە جان كوسوبۋتسكي ءدال وسى مينسكتە كوتەرىلگەن بولاتىن. سول كەزدە وتانداسىمىز بوسنيا جانە گەرتسەگوۆينيادان كەلگەن قارسىلاسى سردجانا گوۆەداريتسۋ نوكاۋتقا جىبەرگەن ەدى.

قازاقستان پانچەر ءۇشىن بۇل كاسىپقوي بوكس كارەراسىندا ونىنشى بولعالى تۇر. وسىعان دەيىنگى توعىز كەزدەسۋىن دە وتانداسىمىز جەڭىسپەن اياقتاپ، سەگىز قارسىلاسىن نوكاۋتقا جىبەرگەن بولاتىن.

مينسك قوستانايلىق جان كوسوبۋتسكي ءۇشىن ءساتتى شاھار دەسە دە بولادى. بەلارۋس استاناسىندا بوكسشى الەكساندر نەحايچيكتى جەڭگەن ەدى.

ال وتكەن جىلى كيەۆتە وتكەن بوكس كەشىندە كوسوبۋتسكي گرۋزيالىق يراكلي گۆەنەتادزەمەن (10-7، 9 ك و) كەزدەسىپ، ايقاستى ءساتتى اياقتاعان بولاتىن.