قاسىم- جومارت توقايەۆ پەن ۆلاديمير پۋتين قانداي ماسەلەلەردى تالقىلايدى

None
None
نۇر- سۇلتان. قازاقپارات - ق ر پرەزيدەنتى قاسىم- جومارت توقايەۆ العاشقى رەسمي ساپارىن ماسكەۋدەن باستايدى. بۇل تۋرالى بۇگىن ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.

«3 - ساۋىردە ق ر پرەزيدەنتى قاسىم- جومارت توقايەۆ رەسەي فەدەراتسياسىنا رەسمي ساپارمەن بارادى. بۇل - ق. توقايەۆتىڭ مەملەكەت باسشىسى رەتىندەگى العاشقى شەتەلدىك ساپارى بولماق. ساپار باعدارلاماسىنىڭ نەگىزگى تارماعى ر ف پرەزيەنتى ۆ. پۋتينمەن اراداعى كەلىسسوزدەرگە ارنالادى» ، - دەدى ول.

رەسمي وكىلدىڭ ايتۋىنشا، ەكى ەل كوشباسشىلارى كەزدەسۋىنىڭ كۇن ءتارتىبى ساياسي، ساۋدا- ەكونوميكالىق جانە مادەني- گۋمانيتارلىق سالالارداعى ەكىجاقتى ىنتىماقتاستىق ماسەلەلەرىن، سونداي- اق وڭىرلىك ءارى حالىقارالىق تاقىرىپتاعى وزەكتى ماسەلەلەردى قامتيدى.

«ساپار اياسىندا ءبىرقاتار ەكىجاقتى قۇجاتتارعا قول قويۋ جوسپارلانعان» ، - دەدى ا. سمادياروۆ.

سوڭعى جاڭالىقتار