تىكۇشاق اپاتى: دانيار قوڭىربايەۆ پەن ءومىرحان قاۋقايەۆتىڭ دەنەسى تۋعان جەرگە جەتكىزىلدى

None
None
اقتوبە. قازاقپارات - قىزىلوردانىڭ جالاعاش اۋدانىندا ۇشاق اپاتىنان كوز جۇمعان مايور دانيار قوڭىربايەۆ پەن ەفرەيتور ءومىرحان قاۋقايەۆتىڭ دەنەسى اقتوبەگە جەتكىزىلدى، دەپ حابارلايدى قازاقپارات ءتىلشىسى.

سەنبى كۇنى قوس اسكەري قىزمەتكەردىڭ دەنەسى اقتوبەگە جەتكىزىلىپ، قارالى ميتينگ ءوتتى. شاراعا قورعانىس مينيسترلىگىنىڭ وكىلدەرى، ءوڭىر باسشىلارى مەن اسكەري گورنيزوننىڭ جەكە قۇرامى قاتىسىپ، ساپ تۇزەدى.

«بۇل حابار بارىمىزگە اۋىر ءتيدى. سول 13 اسكەري قىزمەتكەردىڭ ەكەۋى اقتوبەلىك، باۋىرلارىمىز دانيار مەن ءومىرحان. بەيبىت ومىردە مەزگىلسىز دۇنيەدەن وزعان باۋىرلارىمىزدىڭ وتباسىنا، جاقىندارىنا كوڭىل ايتامىز. جازمىشتان وزمىش جوق. بارىمىزگە دە بۇل جاعداي اۋىر بولسا دا كونبەسكە امال جوق. ولار اسكەري بورىشىن ادال اتقاردى»، - دەدى وبلىس اكىمى وڭداسىن ورازالين.

قارالى جيىنعا قورعانىس مينيسيرلىگىنىڭ وكىلدەرى دە قاتىستى. ق ر قارۋلى كۇشتەر وكىلى ادىلبەك الدابەرگەنوۆ مارقۇمداردىڭ وتباسىنا جان- جاقتى كومەك كورسەتىلەتىنىن جەتكىزدى.

null 

«قورعانىس مينيسترلىگىنىڭ باسشىلىعى، قارۋلى كۇشتەردىڭ جەكە قۇرامى جانە ءوز اتىمنان قايعىعا ورتاقتاسىپ، كوڭىل ايتامىز. وسى جاعداي بويىنشا ەلباسى جانە مەملەكەت باسشىسى تىكەلەي تاپسىرمالار بەرىپ، باقىلاۋعا الدى. مارقۇمداردىڭ وتباسىنا ماتەريالدىق، مورالدىق كومەك كورسەتۋ شاراسىن قابىلداپ وتىرمىز. ەلىمىزدىڭ پاتريوت ۇلدارىنان، وتان قورعاۋشىلاردان ايىرىلۋ ءبىز ءۇشىن اۋىر سوققى. ولار وزدەرىنىڭ اسكەري بورىشىن سوڭىنا دەيىن اتقاردى، انتتارىنا ادال بولدى»، - دەدى ادىلبەك الدابەرگەنوۆ.

اقتوبە گورنيزونىنىڭ باستىعى ازات مازعۇتوۆ تا ميتينگكە قاتىسىپ، كوڭىل ايتتى. كەيىن ءبىر مينۋتتىق ۇنسىزدىك جاريالاندى.

ەسكە سالساق، 27 -ناۋرىز كۇنى كەشكە قىزىلوردا وبلىسىنىڭ جالاعاش اۋدانىندا مي-8 تىكۇشاعى اپاتقا ۇشىرادى.

null 

قورعانىس مينيسترلىگىنىڭ اقپاراتىنا سايكەس، اتالعان تىكۇشاق اقتاۋ قالاسىنان شىمكەنتكە بەت العان 4 اسكەري تىكۇشاق قۇرامىندا بولعان. بارلىق ەكيپاج مۇشەسى - 13 ادام قازا تاپتى.

قورعانىس مينيسترلىگى قازا تاپقان اسكەري قىزمەتشىلەردىڭ ەسىمدەرى مەن فوتوسۋرەتتەرىن جاريالادى.

اقتوبە وبلىسىنىڭ اكىمدىگى قازا بولعان ءار اسكەري قىزمەتكەرلەردىڭ وتباسىنا 1 ميلليون تەڭگە ءبولدى. مۇعالجار جانە مارتوك اۋدانىنىڭ اكىمدىكتەرى جەرلەۋ ءراسىمىن وتكىزەدى.

 null

سوڭعى جاڭالىقتار