قاراعاندىدا مەرزىمىنەن بۇرىن بوساتىلعان بۇزاقى قايتا تۇرمەگە قامالدى

«قۇقىقتىق ءتارتىپ» جەدەل-الدىن الۋ ءىس-شاراسى كەزىندە قاراعاندى قالاسىنىڭ وڭتۇستىك- شىعىس پوليتسيا ءبولىمىنىڭ ۋچاسكەلىك پوليتسيا ينسپەكتورلارى «باس بوستاندىعىنان ايىرۋ ورىندارىنان مەرزىمىنەن بۇرىن شارتتى تۇردە بوساتىلعان» ازاماتتىڭ ءتارتىپ بۇزعانىن انىقتاعان.

ءتارتىپ ساقشىلارىنىڭ قاداعالاۋىندا بولعانىنا قاراماستان، تۇرمەدەن مەرزىمىنەن بۇرىن بوساتىلعان 38 جاسار قاراعاندىلىق اكىمشىلىك زاڭنامانىڭ نورمالارىن بىرنەشە رەت بۇزعان. سپيرتتىك ىشىمدىك ءىشىپ، جۇبايىن سوققىعا جىققان. سونداي-اق، بۇزاقى ارەكەتتەرىمەن كورشىلەرىنىڭ مازاسىن العان.

تەرگەۋ بارىسىندا «شارتتى تۇردە بوساتىلعان ازاماتقا» قاتىستى اكىمشىلىك جازا قولدانىلعان. ول ازداي، «تۇرمىستىق زورلىق- زومبىلىقتىڭ الدىن الۋ تۋرالى» قر زاڭىنىڭ 20-بابىنا سايكەس قورعاۋ ۇيعارىمى شىعارىلعان. الايدا، بۇل ارەكەتتەر بۇزاقىنىڭ دۇرىس جولعا تۇسۋىنە ەش اسەر ەتپەگەن. ۋچاسكەلىك پوليتسيا ينسپەكتورلارىنىڭ بىرنەشە رەت ەسكەرتكەنىنە قاراماستان، ول ءتارتىپ بۇزۋىن جالعاستىرا بەرگەن.

ناتيجەسىندە ق ر قىلمىستىق كودەكسى 72-بابىنىڭ 7-تارماعىنا سايكەس، 38 جاستاعى ازاماتقا قاتىستى قاراعاندى قالاسى وڭتۇستىك- شىعىس پوليتسيا ءبولىمىنىڭ قىزمەتكەرلەرى شارتتى تۇردە مەرزىمىنەن بۇرىن بوساتۋدىڭ كۇشىن جويۋ تۋرالى ۇسىنىس جولدادى. ونىڭ قورىتىندىسى بويىنشا 2019 -جىلعى 13 -ناۋرىزدا قاراعاندى قالاسى قازىبەك بي اۋدانىنىڭ سوتى ۇسىنىستى قاناعاتتاندىرىپ، جازانىڭ وتەلمەگەن بولىگىن، ياعني 3 جىل 7 اي 20 كۇندى ول قىلمىستىق- اتقارۋ جۇيەسى مەكەمەلەرىندە وتكىزۋ تۋرالى قاۋلى شىعاردى.

قاراعاندى قالاسىنىڭ وڭتۇستىك- شىعىس سەكتورىندا بۇگىنگى تاڭدا «باس بوستاندىعىنان ايىرۋ ورىندارىنان مەرزىمىنەن بۇرىن شارتتى تۇردە بوساتىلعان ادامدار» ساناتى بويىنشا پروفيلاكتيكالىق ەسەپتە 40 ادام تىركەۋدە تۇر.