كۇيەۋىڭىزگە ەشقاشان ايتۋعا بولمايتىن سوزدەردى بىلەسىز بە؟

None
None
نۇر-سۇلتان. قازاقپارات - ءبىر شاڭىراق استىندا تۇرىپ جاتقان ەرلى-زايىپتىلاردىڭ اشۋلانعان كەزدە ءبىر-بىرىنە تۇسىنىستىك تانىتىپ، ءاردايىم كەلىسىمگە كەلگەنى ابزال.

ءتىپتى، كۇندەلىكتى ومىردە دە جۇبايلار ءسوز قۇدىرەتىن ۇعىنا ءبىلۋ كەرەك. ەندەشە، جانۇيانىڭ ءتۇتىنىن تۇتەتكەن ايەل كۇيەۋىنە قانداي سوزدەر ايتپاۋ كەرەك؟

بۇل سۇراققا ERNUR. KZ سايتى جاۋاپ بەرەدى.

1. سىيلىعىڭ ءۇشىن راحمەت! ءبىراق، ماعان سارى ءتۇستى گۇلدەر ۇنامايدى...

جولداسىڭىز سىزگە قانداي دا ءبىر سىيلىق بەرسە، «ۇنامايدى» دەپ ايتۋدان اۋلاق بولىڭىز. ەگەر بەرگەن سارى گۇلى كوڭىلىڭىزدەن شىقپاسا، جاي عانا العىس ايتىپ، كەلەسى جولى قانداي گۇل ۇنايتىنىن ىممەن تۇسىندىرگەنىڭىز ابزال. ماسەلەن، گۇل ساتاتىن دۇكەننىڭ جانىنان ءوتىپ بارا جاتقاندا «مىناعان قاراشى، قىپ-قىزىل راۋشان گۇلدەرى كوزدى قۋانتادى، ءيا؟» دەسەڭىز، ول سىزگە قىپ-قىزىل راۋشان گۇلدەرىنىڭ ۇنايتىنىن بىلەتىن بولادى.

2. ماعان ۋادە بەرىپ ەدىڭ عوي...

جۇبايىڭىز اپتانىڭ سوڭعى كۇنى، دەمالىس ۋاقىتىندا اسحاناداعى جوندەلۋى ءتيىس قۇرىلعىنى تۇزەتۋى كەرەك ەدى. ءبىراق، ول تەلەديداردان جاڭالىقتار نەمەسە سۇيىكتى فۋتبولىنىڭ ۋاقىتىن وتكىزىپ الماۋ ءۇشىن جاتىپ الدى.

ۋادەشىل كۇيەۋىڭىزدى ورىنداماعان ۋادەسى ءۇشىن ايىپتاۋعا اسىقپاڭىز. بارلىق «كىنانى» ءوز موينىڭىزعا الىپ، «ساعان ايتامىن دەپ ۇمىتىپ كەتىپپىن. اسحاناداعى سۋ قۇبىرىنان سۋ تامشىلاپ تۇرعان ەدى، ەندى تىپتەن ۇدەپ بارادى. ەندى نە ىستەيمىز؟ قۇبىر ىستەن شىقسا، اققان سۋدى توقتاتا الماي قالمايمىز با؟» دەگەنىڭىز بۇيرىق ەمەس، ءوتىنىش بولىپ ەستىلەدى.

3. وتكەن ومىرىڭىزدەگى «عاشىق بولعاندار»...

جولداسىڭىزعا بۇرىنعى تانىستارىڭىزدى (ەر ازامات) كورگەنىڭىزدى جىپكە تىزگەندەي ايتا بەرمەڭىز. ەشتەڭە بولماعانىمەن، سىزگە ارتىق ءسوز ايتپاعانىمەن، ونىڭ قىزعانىشىن وياتاسىز. ەشتەڭە دەمەۋى مۇمكىن، ءبىراق، كۇيەۋىڭىزدىڭ كوڭىلىندە ءبارىبىر كۇدىك قالدىراسىز.

4. نە ىستەۋ كەرەكتىگى جونىندە نۇسقاۋ بەرمەڭىز...

جولداسىڭىزبەن اقىلداسىڭىز، كەڭەسىڭىز، ءبىراق، بۇيىرۋدان اۋلاق بولىڭىز. ەر ادام شامدانىپ قالۋدان بۇرىن، كۇيەۋىڭىزگە نازىك، مەيىربان ايەلدىڭ ورنىنا «قاتال انا» كەيپىنە ەنەسىز.

5. مەنىڭ ورنىمدا باسقا ايەل بولعاندا شىداي الماس ەدى...

ءبىز ادەتتە، وسى سوزىمىزدەن كەيىن كۇيەۋىمىزدىڭ «جولىم بولعان ەكەن، سابىرلى، ءتوزىمدى، باعا جەتپەس ايەلىم بار!» دەپ ويلاعانىن قالايمىز. وكىنىشكە وراي، بۇلاي ويلاۋ قاتە. كەرىسىنشە، جولداسىڭىز «مەن نە ىستەسەم دە شىداي بەرەدى. دەمەك، قالاعانىمدى ىستەۋگە مۇمكىندىگىم بار» دەپ ويلايدى.

ەگەر وتباسىڭىزدا كوڭىلىڭىز تولمايتىن، ءسىزدىڭ تاعاتىڭىزدى تاۋىسىپ، اشۋىڭىزدى كەلتىرەتىن جاعداي تۋىنداي قالسا، بۇل جونىندە جاسىرىپ قالۋعا بولمايدى. كۇيەۋىڭىزبەن اشىق سويلەسكەنىڭىز دۇرىس.

ويتكەنى، سابىرلى ايەل بارلىق ەركەككە ۇنايدى، ءبىراق، ونىمەن بىرگە ءومىر ءسۇرۋ «قىزىقسىز». ءوزىن قۇرمەتتەيتىن، باعالايتىن ايەل ءوز كەزەگىندە جۇبىنىڭ دا قۇرمەتى مەن ءىلتيپاتىنا بولەنەدى. سۇيىكتى جارى اتانادى.

سوڭعى جاڭالىقتار