وتباسى مۇشەلەرىنىڭ كوڭىل كۇيىن كوتەرۋگە كومەكتەسەتىن يدەيالار

نۇر - سۇلتان. قازاقپارات - قازىرگىدەي ءولارا كەزەڭدە بارلىعى شارشاپ جۇرەدى. نە دەنساۋلىعى سىر بەرەدى، نە وزگە دە سەبەپتەر بولۋى مۇمكىن. وتباسىندا دا ءتۇرلى جاعدايلار ورىن الىپ جاتادى.

وسىندايدا جىلى اتموسفەرانى قالىپقا كەلتىرىپ، ءبىر- بىرىڭىزگە جاقىن بولا ءتۇسۋدىڭ بىرنەشە ءادىسىن ۇسىنامىز.

 ۋاقىت كاپسۋلاسى

 ءبىر قوراپتى الىپ، وعان وتباسى مۇشەلەرىنەن ءوز ءومىر سالتىن، ادەتىن، ەرەكشەلىگىن كورسەتەتىن زاتتاردى سالۋىن سۇراڭىز. ول قانداي دا ءبىر سۋرەت، جاپسىرما، كىشكەنتاي ويىنشىق، وزىنە جازىلعان حات، سۇيىكتى فيلمدەرىنىڭ نەمەسە اندەرىنىڭ ءتىزىمى جانە ت. ب بولۋى مۇمكىن. قوراپتى كوزگە كورىنبەيتىن جەرگە قويىپ، ونى 10 جىل وتكەن سوڭ بىرگە اشۋعا ءسوز بەرۋگە بولادى.

فيلمدى تالقىلاۋ

وتباسى بولىپ جاقسى كورەتىن فيلمدى تاعى ءبىر مارتە كورىپ شىعىڭىزدار. اربىرەۋىڭىز ءوزىڭىزدى ءبىر كەيىپكەردىڭ ورنىنا قويىپ، قاي ارەكەتىن قالاي وزگەرتەتىنىڭىزدى ويلاپ كورىڭىز. سول كەزدە فيلمنىڭ سوڭى قالاي وزگەرەر ەدى؟ سونىمەن قاتار، فيلمنىڭ دىبىسىن ءوشىرىپ تاستاپ، ءار كەيىپكەردى ءبولىپ الىپ، وزدەرىڭىز دىبىستاڭىزدار. كۇلكىلى ءارى كوڭىلدى ديالوگ جاساۋعا تىرىسىڭىزدار. 

قىزىقتى شوپينگ

 ۇيىڭىزگە جاقىن جەردە ورنالاسقان «بارلىعى 50 تەڭگەدەن» دەگەن سەكىلدى ۇساق- تۇيەك ساتاتىن دۇكەنگە بارىڭىزدار. الدىن الا ءار وتباسى مۇشەسىنە بەلگىلى ءبىر سوما بەرىپ، ساۋدانىڭ تاقىرىبىن ويلاستىرىڭىز. مىسالى، بارلىعى تاماق دايىنداۋعا نەمەسە بولمەنى بەزەندىرۋگە بايلانىستى بولۋىن سۇراڭىز.

ۆيدەو قاراۋ

بارلىق ادامعا، اسىرەسە، بالالارعا وزدەرىنىڭ كىشكەنتاي كەزىندەگى ۆيدەوسىن قاراعان ۇنايدى. ءبىر كەشتى ەسكى ۆيدەولاردى قاراۋعا ارناڭىز. سۋرەتتەردەن سلايد- شوۋ جاساڭىز. ءار بالانىڭ ءوسىپ، وزگەرىپ كەلە جاتقانىن كورسەتەتىن سلايدتار جاساۋعا بولادى. اتا- اناسىنىڭ ۇيلەنۋ تويىنىڭ ۆيدەوسى دا بالالارعا قىزىق بولۋى مۇمكىن. ءبىراق ول وتە ۇزاق بولماۋى كەرەك.

 ەرەجەسىز كۇن

بۇل كۇنى ءبارىبىر ەكى ەرەجە قويىلادى: ءار ارەكەتتىڭ قاۋىپسىز بولۋى شارت جانە باسقالاردىڭ مازاسىن الماۋى كەرەك.

 بىرگە تاماق دايىنداۋ

 بىرگە تاماق دايىنداۋ -  وتە قىزىقتى ءىس، ال ەگەر ونى ۆيدەوعا ءتۇسىرىپ الساڭىز، ودان دا كوڭىلدىرەك بولادى. كەي سۇيىكتى نەمەسە جاڭا تاعامدى وتباسىمەن بىرگە ءپىسىرۋ پروتسەسىن ۆيدەوعا ءتۇسىرىپ كورىڭىز.

اۋدارما

ونلاين- اۋدارماشىمەن سويلەسۋ دە كوڭىل كۇيدى كوتەرەدى. بىرىنشىدەن، ول ءسىز جازعان نارسەنى كۇلكىلى اكتسەنتپەن ايتادى. ەكىنشىدەن، ءسوزدى باسقا تىلدە ايتۋعا ۇيرەتەدى.

 العىس ايتۋ

جاساعان جاقسىلىعى ءۇشىن نە ەش سەبەپسىز- اق العىس ەستۋ كىمنىڭ بولسا دا جانىنا جاعادى. تاماق ىشەتىن ۇستەلگە كىشكەنە قاعاز بەن قالامى بار قۇتى قويىپ قويىڭىز. تاڭعى اس ءىشىپ وتىرىپ، ءار وتباسى مۇشەلەرى كەز كەلگەن وتباسى مۇشەسىنە العىسىن جازۋىن سۇراڭىز. كەيدە ۇمىتىلىپ كەتۋى مۇمكىن، باستىسى، قولى بوس بولعاندا نەمەسە ەسىنە تۇسكەندە جازىپ تۇرسا بولعانى. مىسالى، تۇسكى اس نەمەسە جاقسى كوڭىل كۇي ءۇشىن راقمەت ايتۋ. سودان سوڭ ايىنا ءبىر رەت نەمەسە اپتاسىنا ءبىر رەت سول حاتتاردى بىرگە وقۋعا بولادى.

Massaget.kz