ءاپسانا: بالا اشىقسا، كىم كىنالى؟

 - اتا، بالا اشىقسا، اناسى كىنالى، - دەپتى جىگىت.

 - جوق بالام، بالا اشىقسا، اناعا قارايدى، انا اشىقسا، اكەگە قارايدى، اكە اشىقسا، كىم- كورىنگەنگە جالتاقتايدى. ەسىڭدە بولسىن، اقىلدى اكە -  انانىڭ قامىن ويلايدى، اقىلسىز اكە ءوز باسىنىڭ قامىن ويلايدى. قارنى توق بالانىڭ قايعىسى جوق. اكەسى جوق بالانىڭ قايعىسى كوپ. ءوز بالاسىنىڭ كەلەشەگىن اقىماق اكە ويلامايدى. اكە جاقسى بولسا -  انانىڭ كوڭىلى وسەدى. بالانىڭ بويى مەن وي قاتار وسەدى. ومىردە بالا اشىقسا، اكە كىنالى. بالانى اسىراۋ -  اكەگە پارىز، اشىققانعا اقىل ايتپا دەيدى اتاڭ قازاق، -  دەپتى قاريا.

كوكەيگە قونار كونەنىڭ ءسوزى بۇگىنگى اكە بولار جىگىتتىڭ كوڭىلىندە ءجۇرسىن. قوي ۇستىنە بوز تورعاي جۇمىرتقالاعان زاماندا بالانىڭ اش قالۋىن تەك قانا اكەنىڭ ەمەس، بۇكىل قوعامنىڭ، قاتىگەز قوعامنىڭ، مەيىرىمى ازايىپ، ماحابباتى جوعالعان قوعامنىڭ كىناسى دەۋگە دە بولادى. بالانىڭ ناعىز اشتىعى ونىڭ قارنىنىڭ توقتىعى ەمەس، العان تاربيەنىڭ جەتەسىزدىگى مەن ءبىلىمىنىڭ تايازدىعىن دا جاتىر. باستاماشى اتا- انا، قامقورشى ۇستاز دا «اش» بالانىڭ كىناسىن ورتاق مويىنداۋى كەرەك.