استاناداعى «نۇر الەم» سفەراسىندا مەرەكە كۇندەرى قىزىقتى ءىس- شارالار وتكىزىلەدى

استانا. قازاقپارات - استاناداعى «نۇر الەم» سفەراسىندا ناۋرىز مەرەكەسى كۇندەرى كوپشىلىكتىڭ كوڭىلىن كوتەرەتىن قىزىقتى ءىس- شارالار، شوۋلار وتكىزىلەدى، دەپ حابارلايدى قازاقپارات.

«قۇرمەتتى قالا تۇرعىندارى مەن قوناقتارى! سىزدەردى مەرەكەلىك دەمالىستى «نۇر الەم» سفەراسىندا وتكىزۋگە شاقىرامىز. ناۋرىزدىڭ 21 مەن 24 ارالىعىندا قىزىقتى قۋىرشاقتار، الىپ ترانسفورمەر روبوتتار، عىلىمي- ساۋىقتىق حيميالىق كريو- شوۋ، انيماتورلار، دينوزاۆر شوۋى سياقتى تەاترلاندىرىلعان مازمۇندى باعدارلاما كۇتەدى. بۇدان بولەك، «نۇر الەم» سفەراسىنىڭ جاس كەلۋشىلەرىنە «Kids Park»  اتتى بالالار ايماعى ۇيىمداستىرىلماق»، - دەلىنگەن ۇيىمداستىرۋشىلار تاراتقان حابارلامادا.

ايتا كەتەرلىگى، كىرۋ بيلەتتەرى كورمە كەشەنىنىڭ اۋماعىندا،    expo2017astana.com رەسمي سايتىندا جانە Kassir.kz سايتىندا ساتىلادى.