الداعى دەمالىستا قازاقستاندا كۇن سۋىتادى
استانا. قازاقپارات - قازگيدرومەت 16-18- ناۋرىزعا ارنالعان اۋا رايى بولجامىن ۇسىنادى، دەپ حابارلايدى قازاقپارات.
اۋا تەمپەراتۋراسى كليماتتىق نورمادان 5...13°س جوعارى انومالدى جىلى اۋا رايىنان كەيىن قازاقستانعا سۋىق انتيتسيكلون اۋىپ كەلەدى. سونىڭ ناتيجەسىندە رەسپۋبليكانىڭ كوپتەگەن وبلىستارىندا تەمپەراتۋرا تومەندەيدى.
ءبىراق انتيتسيكلون كىرەر الدىندا قازاقستان ارقىلى جىلجيتىن سۋىق اتموسفەرالىق فرونتتاردىڭ اسەرىنەن كەي جەرلەردە جاۋىن-شاشىن بولادى. جاڭبىر، جىلبىسقى قار جاۋادى. جەل كۇشەيىپ، ادەتتەگىدەي كوكتەمنىڭ الدىندا تۇندە جانە كۇندىز تۇمان تۇسەدى.