قىزبەن تانىسا المايتىن ۇلىنا جار ىزدەگەن انا كوپشىلىكتى كۇلكىگە قارىق قىلدى
استانا. قازاقپارات - جەلىدە قىزبەن تانىسا المايتىن ۇلىنا جار ىزدەمەك بولعان انانىڭ ۆيدەوسى تارادى.
ۇلىنىڭ ارەكەتسىزدىگىنەن ابدەن شارشاعان ايەل ادام كەلىن تۇسىرمەسە، ونى ىزدۋگە ءوزى شىعاتىنىن ايتقان دەپ، جازادى KAZ. NUR. KZ.
Instagram جەلىسىنە تاراپ ۇلگەرگەن ۆيدەودا اناسى مەن بالاسىنىڭ سويلەسىپ وتىرعانى كورىنىس تاپتى. ايەل ادام ۇلىنا تەز ارادا جار تاۋىپ، وتباسىن قۇرۋدى تالاپ ەتكەن.
ەگەر شارتى الداعى جارتى جىلدىقتا ورىندالماسا، تايلاقتىڭ اناسى سەكىلدى كەلىندى ءوزى ىزدەيتىنىن ايتقان.
«ءۇشىنشى ماۋسىمنان باستاپ، تايلاقتىڭ اناسى سياقتى ءوزىم ىزدەپ شىعامىن. قىزبەن تانىسا المايتىن ۇلىم بار ەدى. سەن ماعان كەلىن بول شىراعىم، قالعانىن ءوزىم ۇيرەتەمىن دەپ ايتامىن»، - دەيدى انا.
جەلى وقىرماندارى بەينەجازبا كوڭىلدەرىن كوتەرگەنىن جەتكىزىپ، ءوزىنىڭ وڭ پىكىرلەرىمەن بولىسۋدە.
«اناسى مەن بالاسىنىڭ ءازىلى سونداي جاراسىمدى»، «اناڭىز قاتىردى» ، «اناڭىز امان بولسىن، سونداي كۇشتى»، - دەپ جازۋدا كوپشىلىك.