اقتاۋدا شاياندار تەڭىز جاعاسىنا شىعىپ قالدى

بۇعان تەڭىزدەگى داۋىل اسەر ەتكەن. قاتتى تولقىننىڭ كەسىرىنەن قىسقى ۇزىلىستەن شىققان ءالسىز شاياندار جاعاعا شىعىپ قالدى. اقتاۋلىقتار جاعالاۋعا بارىپ، تەڭىز جاندىگىن جيناپ ءجۇر.

قۇزىرلى ورگاندار ءساۋىر ايىنىڭ 1 نەن 15 نە دەيىنگى ارالىقتا وبلىس بويىنشا تەڭىزدە شايان اۋلاۋعا تىيىم سالىناتىنىن ايتۋدا. ويتكەنى، وسى ۋاقىت ارالىعىندا تەڭىز جاندىگى ۇرىقتانادى. زاڭعا قايشى ارەكەت ەتەتىندەر تابىلسا، جاۋاپقا تارتىلىپ 50 مىڭ تەڭگەدەن اسا قارجى كولەمىندە ايىپپۇل تولەيدى.

«قازىر ەكولوگيا دەپارتامەنتىنىڭ ماماندارى تەڭىز جاعالاۋىنان سۋ الىپ، زەرتتەۋگە جىبەردى. قورىتىندىسىن كۇتەمىز. بۇل تەك وسى جەردە بولىپ وتىرعان جاعداي. باسقا جاقتا مۇنداي مۇنداي وقيعالاردى كەزدەستىرمەدىك. سوندىقتان الاڭداۋعا نەگىز جوق. بارلىق شاياندار قاتتى تولقىننىڭ اسەرىنەن جاعالاۋعا شىعىپ قالعان»، - دەيدى ماڭعىستاۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ءبولىم باسشىسى ءادىزال شيحمەتوۆ.