دۇنيەجۇزىلىك دەنساۋلىق ساقتاۋ ۇيىمى قازاقستان تۇرعىندارىن تۇزدى از تۇتىنۋعا شاقىردى

وندا جەمىس-جيدەكتەر مەن كوكونىستەردىڭ ءتۇر-ءتۇرى، قولدان دايىندالعان بالىشتەر مەن وزگە دە تاعامدار، ءتىپتى ەت ونىمدەرىنە دەيىن ساتىلادى. قازاقستاندا جۋىردا عانا جۇرگىزىلگەن ارنايى زەرتتەۋلەر كوشەدە ساتىلاتىن ازىق-تۇلىكتەردىڭ باسىم بولىگىن زياندى مايلار مەن تۇز قوسىلعان ونىمدەر قۇرايتىنىن كورسەتتى، دەپ حابارلايدى قازاقپارات نوۆوستي و و ن سايتىنا سىلتەمە جاساپ.

سوڭعى جىلدارى قازاقستاندا دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) قولداۋىمەن 3 زەرتتەۋ جۇرگىزىلگەن. ونىڭ بارىسىندا قازاقستان الەم بويىنشا تۇزدى ەڭ كوپ تۇتىناتىن ەلدەردىڭ قاتارىنان كورىنگەن. ناقتىراق ايتقاندا قازاقستاندىقتار كۇنىنە 17 گرام تۇز تۇتىنادى، بۇل د د س ۇ بەكىتكەن نورمادان 4 ەسە كوپ.

قازاقستاندىقتاردىڭ تۇزدى كوپ تۇتىنۋ سىرىن تاريحپەن جانە قازىرگى زاماندا قالىپتاسقان ۇردىستەرمەن بايلانىستىرۋعا بولادى. بۇرىندارى ادامدار تۇزدى كەيبىر ازىق-تۇلىك تۇرلەرىن، اسىرەسە شۇجىق پەن ەتتەن جاسالعان تاعامداردى، سونداي-اق قۇرت پەن ايران سياقتى ءسۇت تاعامدارىن ۇزاق ساقتاۋ ءۇشىن تۇتىناتىن بولعان. زەرتتەۋ جۇمىستارى ورتالىق ازيادا تۇز كوپ مولشەردە قوسىلعان ءداستۇرلى تاعامداردى ءوندىرۋ ءۇردىسى جالعاسىپ كەلە جاتقاندىعىن كورسەتتى. ال قايتا وڭدەلگەن ازىق-تۇلىكتەردىڭ پايدا بولۋى جاعدايدى ودان سايىن كۇردەلەندىرە ءتۇستى.

د د س ۇ- نىڭ ەۋروپالىق بيۋروسىنىڭ وكىلدەرى اتالعان زياندى قوسپالاردىڭ سوزىلمالى اۋرۋلاردىڭ وسۋىنە الىپ كەلەتىندىگىن ەسكەرتتى.

مەديتسينا ماماندارى ەگەر قازاقستان تۇرعىندارى اسىرەسە تۇزدى تۇتىنۋ جونىنەن دۇرىس تاماقتانۋ تالاپتارىن ساقتامايتىن بولسا، بۇل جۇرەك-قان تامىرلارى اۋرۋلارۋىنىڭ ورشۋىنە، سەمىزدىك پەن ديابەتتىڭ جانە ونكولوگيالىق اۋرۋلاردىڭ كوبەيۋىنە اكەلىپ سوقتىراتىنىن ەسكەرتەدى.