تاتتىگە دەگەن تاۋەلدىلىكتەن قالاي ارىلامىز؟

 اركەز ءتاتتى جەگىڭىز كەلگەندە ونىڭ ارتىق سالماق قوسۋعا، زات الماسۋدىڭ بۇزىلۋىنا، سونىمەن قاتار، قاۋىپتى اۋرۋلاردىڭ، كەيدە ءتىپتى، ەمى جوق اۋرۋلاردىڭ دامۋىنا ىقپال ەتەتىنىن ويلاڭىز. ءتاتتى تاعامدارعا دەگەن تاۋەلدىلىگىڭىزدىڭ سەبەبىن انىقتاۋعا تىرىسىڭىز. ول ءۇشىن ومىرىڭىزگە اناليز جاساڭىز. ءتاتتىنى مولشەرسىز جەۋگە نە يتەرمەلەيدى؟ ەگەر يتەرمەلەۋشى فاكتورعا كۇيزەلىس جاتسا، تىنىشتاندىرۋشى شاي ءىشىڭىز. ەگەر تاتتىگە تاۋەلدىلىگىڭىز كومپلەكسىڭىزدەن بولسا، پسيحولوگپەن كەڭەسىڭىز. قالاي بولعاندا دا تاۋەلدىلىككە يتەرمەلەۋشى سەبەپتى جويۋ كەرەك.

ءتاتتى جەۋدى ازايتۋ ءۇشىن تاماقتانۋ مازىرىڭىزگە كۇردەلى كومىرسۋلار قوسىڭىز. كۇردەلى كومىرسۋلار جىلدام كومىرسۋلار سياقتى ەنەرگيامەن بىردەن قامتىمايدى، سەبەبى ۇزاق قورىتىلادى. الايدا، باياۋ قانتتارعا باي ونىمدەر ۇزاققا دەيىن توقتىق سەزىمىن بەرەدى. ياعني، مۇنداي تاماقتاردان سوڭ بىرنەشە ساعات بويى تاتتىگە تارتپايدى. مۇنداي ونىمدەرگە جارمالار، كەپكەن جەمىستەر، جاڭعاقتار جانە شەمىشكە جاتادى. قانتقا تاۋەلدىلىكتەن ارىلۋعا جەمىس- جيدەكتەردىڭ مولشەرىن كوبەيتۋ كومەكتەسەدى. ولار فرۋكتوزاعا باي بولعاندىقتان پايدالى ءتاتتى الماستىرۋشى بولىپ تابىلادى. ءجيى تسيترۋس، كيۆي، الما، المۇرت، قاراجيدەك، تاڭقۋراي، قۇلپىناي، بانان جانە اناناس جەڭىز. ال ءجۇزىمنىڭ قۇرامىندا فرۋكتوزامەن قاتار گليۋكوزا بولعاندىقتان، ونى كوپ جەۋدىڭ قاجەتى جوق. قانتتان ارىلۋ ءۇشىن پىسىرمەگە جانە سۋسىنعا قانتتىڭ ورنىنا بال سالىڭىز. تابيعي بالدىڭ ادام دەنساۋلىعىنا (اللەرگياسى بولماسا) ەش زيانى جوق. قانتتان جىلدام باس تارتۋ ءۇشىن اعزاڭىزدى حروم ميكروەلەمەنتىنىڭ جەتكىلىكتى مولشەرىمەن قامتاماسىز ەتىڭىز. سەبەبى قانداعى وسى مينەرالدى قوسپانىڭ جەتىسپەۋشىلىگى - تاتتىگە تاۋەلدىلىكتىڭ ءبىر سەبەبى. حرومدى بيولوگيالىق بەلسەندى قوسپا (دەنساۋلىققا بايلانىستى كەز كەلگەن دۇكەندە ساتىلادى) رەتىندە قابىلداۋعا بولادى نەمەسە مىنا ازىق- تۇلىكتەردى جەۋ ارقىلى الۋعا بولادى: بروككولي، كارتوپ، كۇركەتاۋىق ەتى، ماندارين، اپەلسين، باۋىر، بۇرشاقتىلار، جۇمىرتقا، قاراقۇمىق. كۇندەلىكتى تاماقتانۋ ۇلەسىڭىزدەگى اقۋىز ۇلەسىن كوبەيتىڭىز. تاماقتاعى اقۋىز ءتاتتىنى ازايتۋعا قالاي كومەكتەسەدى؟

پروتەيندەر قانداعى قانت دەڭگەيىن تۇراقتاندىرادى، سول ارقىلى تاتتىگە قۇشتارلىعىڭىز ازايادى. اقۋىزدىڭ كوپ مولشەرى بالىقتا، تەڭىز ونىمدەرىندە، تاۋىق جانە بودەنە جۇمىرتقاسىندا، سۇزبەدە جانە ەتتە بار. ءتاتتى بىردەڭە جەگىڭىز كەلگەن كەزدە قانداي دا ءبىر پروتەينگە باي ءونىم جەپ جىبەرىڭىز. ۇيدەگى بارلىق تاتتىدەن ارىلىڭىز. بۇل ءادىس كونديتەرلىك ءتاتتى تاعامنىڭ ورنىنا پايدالى بىردەڭە جەۋگە يتەرمەلەيدى. ۇيدە ەشقانداي ءتاتتى بولماسا، قارنىڭىزدىڭ اشقانىن باسۋ ءۇشىن ۇيدە بار پايدالى تاعامدى عانا جەۋگە ءماجبۇر بولاسىز. سۋپەرماركەتكە بارعاندا ءتاتتى ساتاتىن بولىمىنە بارماڭىز. جۇمىسقا باراردا جۇرەك جالعاۋعا تىسكەباسار سالىپ الىڭىز. بۇل ماقساتقا تەك پايدالى تاعامدار تاڭداڭىز: جاڭعاقتار، كەپكەن جەمىستەر، بالعىن جەمىستەر، تۇتاس ءداندى نان، ميۋسلي باتونچيگى، قارا ورىگى بار تابيعي يوگۋرت، سۇزبەشەلەر. ۇيدەن سۇزبەدەن جانە كەبەكتەن ديەتالىق پەچەنەلەر ءپىسىرىڭىز. كەپتىرىلگەن جەمىستەردەن كامپيت جاساۋ تاتتىگە تاۋەلدىلىكتەن ارىلۋ ءۇشىن اشى تاعام جەڭىز.

 ءتاتتى جەگىڭىز كەلگەن كەزدە گرەيپفرۋت، قارا شوكولاد بولىگىن نەمەسە بالدىركوك قوسىلعان كوكونىستى سالات جەڭىز. تاڭعى اس ءىشۋدى ادەتكە اينالدىرىڭىز. ول تولىققاندى جانە تويىمدى بولۋى كەرەك. تاڭعى اسىڭىز تويىمدى ءارى قۇنارلى بولسا، تۇسكە دەيىن توق جۇرەسىز، سوندىقتان ءتاتتى جەگىڭىز كەلمەيدى. كامپيت نەمەسە تورت ءتىلىمىن جەگىڭىز كەلگەندە 1 ستاقان سۋ ءىشىڭىز. تاۋلىگىنە 6 ستاقان سۋ ىشۋگە تىرىسىڭىز. ول قارىندى تولتىرىپ، اشتىق سەزىمىنەن ارىلتادى. باستىسى، ەرىك- جىگەرىڭىزدى دامىتىڭىز. ساۋ ءارى سىمباتتى بولۋ - تاتتىدەن باس تارتۋعا ارنالعان ەڭ جاقسى موتيۆاتور.

Massaget.kz