تەرەزە ءسۇرتىپ، ەدەن جۋادى: «سىرا كورولىنىڭ» تۇرمەدەگى ءومىرى قانداي

«سىرا كورولىنىڭ» قالاي تۇرىپ جاتقانىن جەرگىلىكتى Otyrar.kz باسىلىمى حابارلادى.

10 ادامنان جايعاساتىن كامەرادا توقتار تولەشوۆكە ەكى جارىم شارشى مەترى عانا بەكىتىلگەن. تاڭعى ساعات 6:00-دا ويانىپ، تۇنگى 22:00-دە ۇيقىعا جاتاتىن قىلمىسكەر قازىر تۇرمەدەگى اۋىر جۇمىسقا ارالاسپايدى، تازالىقپەن عانا اينالىسادى ەكەن.

تۇرمەدە ەسىك- تەرەزە نەمەسە ەدەن جۋادى، سەبەبى اسا قاۋىپتى قىلمىسكەر رەتىندە قاتاڭ قاداعالاۋعا الىنعان. ءارى تۇسكى استى وزگەلەرمەن ءبىر ۇستەلدە وتىرىپ، تاماقتانۋعا رۇقسات بەرىلىپتى.

ەسكە سالا وتسەك، 2016 -جىلى توقتار تولەشوۆ سوتتىڭ ۇكىمىمەن 21 جىل باس بوستاندىعىنان ايىرۋ جازاسىنا كەسىلگەن. وعان مەملەكەتتىك توڭكەرىس ۇيىمداستىرماق بولدى دەگەن ايىپ تاعىلعان ەدى. سونداي- اق، سالىقتان جالتارعانى، ەكونوميكالىق قىلمىستارعا بارعانى ءۇشىن ايىپتى دەپ تانىلدى.

سوت ۇكىمىنە سايكەس، توقتار تولەشوۆ مەملەكەتكە 1,5 ميلليارد تەڭگەگە جۋىق وتەماقى تولەۋگە مىندەتتەلىپ، مال- مۇلكى تاركىلەنىپ، كوممەرتسيالىق مەكەمەلەردە باسشىلىق ەتۋدەن شەتتەتىلگەن ەدى.

توقتار تولەشوۆتىڭ 13 بالاسى بار. «شىمكەنت سىرا زاۋىتى» ج ش س جالعىز قۇرىلتايشىسى. 2007-2011 -جىلدار ارالىعىندا - ازيا قۇرلىقتىق بوكس فەدەراتسياسىنىڭ (FAAB) ۆيسە- پرەزيدەنتى، حالىقارالىق بوكس فەدەراتسياسىنىڭ (AIBA) كوميتەت ءتوراعاسى. 2009 -جىلدان - «قازاقستاننىڭ ورىس قاۋىمداستىعى» قوعامدىق بىرلەستىگىنىڭ كەڭەسشىسى جانە وكىلەتتى وكىلى. 2014 -جىلدان - ءتۇرلى ءدىني كونفەسسيالاردىڭ وكىلدەرىنە قولداۋ كورسەتەتىن «يسلام جانە الەم» ايماقارالىق قايىرىمدىلىق قورىنىڭ ۆيتسە- پرەزيدەنتى. بۇلاردان باسقادا  كوپتەگەن مىندەتتەر اتقارعان. ءوز كەزىندە اقشاسىن وتباسىلىق ساۋىق-سايرانعا شاشىپ، شالقىپ ومىر سۇرگەن.