قىزمەتكەر ناۋقاستانىپ قالسا، باسشىلىق سەنبەيدى - زەرتتەۋ

«ۇلى بريتانيا ۇلتتىق ستاتيستيكا باسقارماسىنىڭ دەرەكتەرىنە سەنسەك، 1993 - جىلدان بەرى ناۋقاستىق دەمالىس الۋ ەكى ەسەگە ازايعان. بۇرىن ازاماتتار ورتاشا ەسەپپەن 7,2 كۇن ەمدەلسە، 2017 بۇل 4,1 دەمالىس كۇنىن قۇراعان. ال لوندون ۋنيۆەرسيتەتىندەگى ينفەكتسيالىق اۋرۋلار جانە ەپيدەميولوگيا كافەدراسىنىڭ عىلىمي قىزمەتكەرى كايلي ەينسليدىڭ ايتۋىنشا، بۇل وزگەرىستى ءتۇسىندىرۋ قيىن، دەگەنمەن، ادامدار سيرەك اۋىراتىن بولدى دەۋگە دە بولمايدى»، دەپ جازادى اۆتور.

ونىڭ ايتۋىنشا، زەرتتەۋلەر باسشىلىق سەنىمسىزدىك تانىتاتىندىقتان، قىزمەتكەرلەردىڭ كوپشىلىگى سىرقاتتانىپ قالسا دا جۇمىسقا بارىپ جۇرەتىنىن كورسەتكەن. ماماندار بۇل جاعدايعا جۇمىس بەرۋشىلەردى كىنالاپ وتىر.

«تەحنولوگيالار جاھاندىق بيزنەسكە ەنىپ، جۇمىستىڭ ديناميكاسىن وزگەرتتى. كوپشىلىگى كەڭسەدەن تىس جەردە جۇمىس ىستەۋگە مۇمكىندىك الا باستادى. بۇل جاعداي جۇمىس بەرۋشىلەردىڭ ءوز قىزمەتكەرلەرىن قاتتى باقىلاۋدا ۇستاۋىنا يتەرمەلەدى. سونىمەن قاتار جۇمىس بەرۋشىلەر قىزمەتكەرىنە سەنىمسىزدىك تانىتاتىن بولدى»، دەپ جازادى اۆتور.

ونىڭ ايتۋىنشا، مۇنداي ستەرەوتيپتەردىڭ قالىپتاسۋىنا ۇيدە وتىرىپ تا جەمىستى جۇمىس ىستەپ، ساپالى قىزمەت اتقارۋعا بولاتىنىنا سەنبەيتىن ۇلكەن بۋىن وكىلدەرى دە كىنالى.

«ا ق ش- تىڭ ستاتيستيكا بيۋروسىنا سەنسەك، سوڭعى ەكى جىلدا ۆاكانسيالار سانى دا، جۇمىستان شىعىپ كەتىپ جاتقاندار سانى دا ەكى ەسە ارتتى. بۇل قىزمەتكەردى جۇمىستا ۇستاپ قالۋدىڭ قيىنداپ بارا جاتقانىن كورسەتەدى. دەگەنمەن، باسشىلىق پەن قىزمەتكەرلەر اراسىندا بايلانىس بولۋى كەرەك. شىنايى قامقورلىق بۇل بايلانىستى ارتتىرماسا، كەمىتپەيتىنى انىق»، دەپ جازادى اۆتور.

اۆتور: ايكۇمىس بولاتبەك