قىزمەتكەرلەر جۇمىس اراسىندا كۇنىنە ءبىر ساعات سەرۋەندەۋى كەرەك - زەرتتەۋ

 «بۇگىنگى تاڭدا بارلىعىمىزدىڭ جۇمىستان قولىمىز بوساي بەرمەيدى. ءبىزدى تەحنولوگيالار قورشاپ العان. قالالى جەردە دە تابيعاتپەن بايلانىستى سەزىنۋ قيىن. ورتاشا ەسەپپەن ءار امەريكالىق ءوز ءومىرىنىڭ % 90- ىن عيمارات ىشىندە وتكىزەدى ەكەن»، دەپ جازادى اۆتور. ونىڭ ايتۋىنشا، قىزمەتكەرلەر جۇمىس اراسىندا ءبىر ساعات ۋاقىتىن تابيعات اياسىندا وتكىزۋى كەرەك.

«دالاعا شىققاننىڭ پايداسى كوپ. بىرىنشىدەن، قيمىل قوزعالىس دەنساۋلىققا جاقسى اسەر ەتەدى. ەكىنشىدەن، بۇل D دارۋمەنىن الۋعا كومەكتەسەدى. ۇشىنشىدەن، جۇمىس بەلسەندىلىگى ارتادى. سول سەبەپتى قىزمەتكەرلەر كۇنىنە ءبىر ساعات ءۇزىلىس الىپ، دالاعا سەرۋەندەپ كەلۋلەرى كەرەك»، دەيدى اۆتور.

ونىڭ ايتۋىنشا تابيعاتقا شىققان ادامدا كۇيزەلىس بولمايدى. سوندىقتان ماقالادا ەڭ كەم دەگەندە جەرگىلىكتى ساياباققا بارىپ تۇرۋ كەرەكتىگى ايتىلادى.

«فينليانديادا جۇرگىزىلگەن زەرتتەۋگە سەنسەك، تۇسكى ءۇزىلىس كەزىندە تازا اۋاعا شىعۋ جۇمىس ونىمدىلىگىن ارتتىرادى. زەرتتەۋدە ءبىر توپ كۇنىنە ون بەس مينۋت ساياباققا بارسا، ەكىنشى توپ عيمارات ىشىندە جاتتىعۋ جاساعان. نايجەسىندە بەلگىلى بولعانداي، ءبىرىنشى توپتىڭ دەنساۋلىعى ەكىنشى توپقا قاراعاندا جاقسارا باستاعان»، دەپ جازادى اۆتور.

 ونىڭ ايتۋىنشا، كەيبىر ءىرى كومپانيالار تابيعاتتى جۇمىستىڭ ءبىر بولىگىنە اينالدىرعان. مىسالى، Microsoft كومپانياسى اعاشتار اراسىندا جينالىس وتكىزەتىن ورىن سالعان. ال Amazon كومپانياسىنىڭ 800 ادامعا ارنالعان وسىمدىكتەرگە تولعان ءۇش عيماراتى بار. Adobe بولسا لوندونداعى كەڭسەنىڭ شاتىرىندا جۇگىرۋ الاڭىن جاساعان.

اۆتور: ايكۇمىس بولاتبەك