قازاقستانداعى قۇس فابريكالارىنا قاۋىپ ءتوندى - دەپۋتات

 وسى ورايدا ول ۇكىمەت باسشىسى اسقار ءماميننىڭ اتىنا دەپۋتاتتىق ساۋال جولدادى، دەپ حابارلايدى قازاقپارات ءتىلشىسى.

«بۇگىندە قۇس شارۋاشىلىعىن ازىق جەممەن قامتاماسىز ەتۋدە قاۋىپتى جاعداي قالىپتاستى. قۇس جەمىنىڭ تاپشىلىعى بايقالۋدا جانە ونىڭ باعاسىنىڭ 2018 -جىلى 45 مىڭنان 75 مىڭ تەڭگەگە دەيىن ءوسۋى تەرىس ىقپال ەتتى» ، - دەدى دەپۋتات.

ونىڭ سوزىنە قاراعاندا، بىلتىر قۇس فابريكالارىنىڭ كوبىسى تۇپكىلىكتى ونىمگە سۋبسيديا تۇرىندە مەملەكەتتىك قولداۋدى تولىق كولەمدە الماعانى جاعدايدى قيىنداتا ءتۇستى. 2018 -جىلدا تولەنبەگەن سۋبسيديا سوماسى ءۇش ميلليارد تەڭگەدەن استى. ال 2019 -جىلدا جۇمىرتقامەن قامتاماسىز ەتەتىن قۇس فابريكالارى ءۇشىن قاجەتتى 12,3 ميلليارد تەڭگەنىڭ تەك 5,4 ميلليارد تەڭگەسى تولەنەدى، ياعني تاپشىلىق 7 ميلليارد تەڭگەنى قۇراپ وتىر.

سونىمەن قاتار دەپۋتات ەلەكتر ەنەرگياسىنا، قوسپا جەمگە، جابدىقتار مەن بولشەكتەرگە، دارۋمەندەرگە، ۆەتەرينارلىق پرەپاراتتارعا شىعىندار ارتقانىن اتاپ ءوتتى.

ر. كيمنىڭ پايىمىنشا، سالادا ورىن العان وسى جاعداي ءوندىرىس كولەمىنىڭ، جۇمىس ورىندارىنىڭ قىسقارۋىنا الىپ كەلۋى مۇمكىن. بۇل تۇرعىدا ينۆەستيتسيالىق جوبالار تەجەلىپ، ىشكى نارىق يمپورتتى ونىممەن تولىعۋى ىقتيمال. ناتيجەسىندە، بۇعان دەيىن قول جەتكىزىلگەن جەتىستىكتەردى جوعالتىپ الۋ قاۋپى تونەدى.

 جوعارىدا ايتىلعانداردى ەسكەرە وتىرىپ، استىق كومپونەنتىندە 600 مىڭ توننا كولەمىندەگى قۇس فابريكالارىنىڭ جارتىجىلدىق قاجەتتىگى بويىنشا مەملەكەتتىك جەم قورىن قۇرۋ مۇمكىندىگىن قاراستىرۋ ۇسىنىلدى. اتالعان ماسەلەنى شەشكەنشە، ياعني ءوندىرىس قارقىنىن ساقتاۋ ماقساتىندا 2019 -جىلدىڭ استىعى باستىرىلعانعا دەيىن جەڭىلدىكتى باعامەن قوردان 300 مىڭ توننا جەمدىك استىقتى ءبولۋ سۇرالدى.

سونىمەن قاتار ر. كيم قۇس شارۋاشىلىعى سالاسىنىڭ تۇراقتى دامۋىن قامتاماسىز ەتەتىن مەملەكەتتىك دوتاتسيانى ساقتاۋ كەرەكتىگىن ايتتى.