عالىمدار ادام ولەر الدىندا قانداي تۇستەر كورەتىنىن انىقتادى

 كريستوفەر كەرر باستاعان ماماندار ءولىپ بارا جاتقان ناۋقاستاردى باقىلاپ، ولىمگە دەيىن كوپ ۇزاماي ادامدار ءبىرتۇرلى كورىنىستەردى كورە باستايدى. ولاردىڭ ءبارىنىڭ تۇستەرى ۇقساس ءارى جارقىن تۇستەر بولدى. 72 پايىزى قايتىس بولعان تۋىسقاندارىمەن جانە دوستارىمەن بايلانىسىپ، جىلى قاتىناستا سويلەسە باستادى. ناۋقاستاردىڭ 59 پايىزى شاباداندارىن جيناپ نەمەسە بيلەت ساتىپ الىپ جاتتى. ناقتى ايتقانا سوڭعى ساپارعا اتتانۋعا دايىندالدى. كەيبىرەۋلەر سول كەزدىڭ وزىندە پويىزبەن نەمەسە ۇشاقتا كەتىپ بارا جاتقانىن ايتقان.

 پاتسيەنتتەردىڭ 29 پايىزى مارقۇم تۋىستارىمەن، دوستارىمەن ءتىرى ادامدار سەكىلدى سويلەستى. 28 پايىزى تۇسىندە ءومىرىنىڭ ءارتۇرلى ەستەلىكتەرىن - جاعىمدى اسەر قالدىرعان وقيعالاردى كوردى. ال، بالالار كوبىنە بۇرىن ءولىپ قالعان جانۋارلارىمەن سويلەستى. مارقۇم بولعان ەرەسەك ادامدارمەن دە سويلەستى، ءبىراق ولاردىڭ كىم ەكەنىن تاني المادى.

 عالىمداردىڭ پىكىرى بويىنشا، ادامدار مۇنداي تۇستەردى ولىمگە دەيىن 10-11 اپتا بۇرىن كورە باستاعان. ال ءۇش اپتا بۇرىن ءجيى ءتۇس كورە باستايدى. كەرر جانە ونىڭ كومانداسى بۇل قۇبىلىستى تۇسىندىرە المايدى. مۇمكىن، ادام ءولىمى جاقىنداعان سايىن ميداعى كەيبىر وزگەرىستەر وسىنداي ءتۇس كورۋگە سەبەپ بولادى. ءبىر نارسە انىق، ونداي تۇستەر ادامداردى تىنىشتاندىرىپ، ولىمنەن قورىقپاۋىنا كومەكتەسەدى.

Stan.kz