كوپ ءتىل ءبىلۋ ادام ميىنا قالاي اسەر ەتەدى؟

 ءبىرى بىرنەشە ءتىل ءبىلۋدىڭ ادامنىڭ ويلاۋ جۇيەسىنە اسەرىن زەرتتەسە، ەندى ءبىرى ونىڭ تاريحقا، ۇلتقا تيگىزەتىن اسەرىن زەرتتەپ اۋرە. جاقىندا ۆاشينگتون ۋنيۆەرسيتەتىنىڭ پروفەسسورى پاتريسيا كۋل مەن ونىڭ ارىپتەستەرى بىرنەشە ءتىل ءبىلۋى ادامعا سويلەۋ جانە تىڭداۋ بارىسىندا قالاي اسەر ەتەتىنىن زەرتتەگەن بولاتىن. ول ءۇشىن ول ميداعى سۇيىقتىقتىڭ قوزعالىسىن باقىلايتىن ديففۋزيالىق- تەنزورلى توموگرافيانى قولدانادى. ونىڭ كومەگىمەن يسپان جانە اعىلشىن تىلىندە ەركىن سويلەيتىن بيلينگۆيست پەن تەك اعىلشىن تىلىندە سويلەيتىن مونولينگۆيستتىڭ ميداعى اق زاتىنىڭ ايىرماشىلىعىن انىقتاۋ جوسپارلانعان بولاتىن. اق زات -  جۇيكە يمپۋلتارىن بەرەتىن، ۇزىن جۇيكە جاسۋشالارى اكسوندارداردان تۇرادى. اق زاتتى زەرتتەۋ ارقىلى ميدىڭ ءار بولىگىنىڭ ءوزارا بايلانىسىن زەرتتەۋگە بولادى. ودان بولەك زەرتتەۋ كەزىندە ولاردىڭ ەكىنشى ءتىلدى قانشالىقتى ءجيى قولداناتىنى دا نازارعا الىندى.

 ەلەستەتىپ كورىڭىز، مي -  توستاعان بولسا، اق زات -  توستاعانداعى تۇتىك: ول سۇيىقتىقتى ءبىر باعىتقا جىلجىتادى. ديففۋزيالى- تەنزورلى توموگرافيانىڭ ءبىر ەرەكشەلىگى - انيزوتروپيا فراكتسياسىن (اكسونداردان الشاق ورنالاسقان سۋ مولەكۋلالارىنىڭ بىرتەكتى قوزعالىسى) انىقتاۋعا بولادى. سونىمەن قاتار، راديالدى ديففۋزيانى دا اڭعارۋعا بولادى. ول تۇتىكشەنىڭ ءالسىز تۇستارىن انىقتاپ، سۋدىڭ باعىتىنان جاڭىلاتىن تۇسىن ءدوپ كورسەتەدى. عالىمداردىڭ زەرتتەۋىنشە، ساۋ ميدىڭ جۇمىسى كەزىندە اق زاتتا جوعارى دارەجەدە انيزوتروپيا فراكتسياسى ىسكە اسادى دا، راديالدى ديففۋزيا باياۋ جۇرەدى. كۋل جانە ونىڭ ارىپتەستەرى مونولينگۆيستەردىڭ ميىنداعى اق زاتتان جوعارى دارەجەدە انيزوتروپيا فراكتسياسىن بايقاعان. ال، بيلينگۆيستەردە راديالدى ديفۋززيا الدەقايدا تومەن كورسەتكىشكە يە. ارينە، بۇل جاعىنان بيلينگۆيستەر ۇتادى.

دەگەنمەن، زەرتتەۋشىلەر بيلينگۆيستەر اراسىندا ا ق ش- تا ءتورت جىلدان استام ۋاقىت تۇرعاندار مەن مونولينگۆيستەر اراسىنان ايىرماشىلىق بايقاماعان. دەمەك، بۇل قۇبىلىس تەك كەم دەگەندە ەكى جىل بۇرىن كوشىپ كەلگەندەرگە عانا ءتان. ارينە، زەرتتەۋ بارىسىندا تەك قوستىلدىلىك قانا نازارعا الىندى. ودان بولەك، ولاردىڭ ەموتسياسى، دەنساۋلىق جاعدايى جانە ولاردىڭ تۋعان جەرى دە ەسەپتەلىنۋى شارت. ويتكەنى، ولار دا ادام ميىنا ايتارلىقتاي اسەرىن تيگىزەدى. دەگەنمەن، زەرتتەي قورىتىندىسى ءبىر نارسەنى انىق كورسەتتى: ەكىنشى ءتىلدى بەلسەندى تۇردە قولدانۋ -  مي اق زاتىنىڭ جۇمىسىن جاقسارتا تۇسەدى.

Massaget.kz