قىتايلىق عالىمدار قاتەرلى ىسىكتىڭ دامۋىن تەجەيتىن كوكونىستەردى اتادى

استانا. قازاقپارات - ونكولوگيالىق اۋرۋلاردىڭ ەڭ كوپ تارالعان ءتۇرى، توق ىشەكتە پايدا بولاتىن راكتىڭ دامۋىن تەجەيتىن كوكونىستەر انىقتالدى.

قىتايلىق دارىگەرلەردىڭ مالىمەتىنشە، سارىمساق، پياز جانە پورەي پيازىن جەۋ ارقىلى ادام كولورەكتالدى راكتىڭ دامۋىن تەجەي الادى. بۇل تۋرالى كلينيكالىق ونكولوگيانىڭ ازياتتىق-تىنىق مۇحيتتىق جۋرنالىندا ايتىلعان.

عالىمدار 833 ساۋ ادامنىڭ جانە كولورەكتالدى راك اۋرۋىنا شالدىققان 833 ناۋقاستىڭ كورسەتكىشتەرىن سالىستىردى. زەرتتەۋ بارىسىندا ولاردىڭ جاس ارالىعى، جىنىسى، تۇرعان ۇيلەرى نازارعا الىندى.

سارىمساق پەن پيازدى ءجيى جەگەن ادامداردا كولورەكتالدى راكقا شالدىعۋ مۇمكىندىگى اتالعان كوكونىستەردى جەمەيتىن ادامدارمەن سالىستىرعاندا 79 پايىزعا تومەن ەكەن.

مامانداردىڭ سوزىنشە، سارىمساق پەن پيازدا، پورەي پيازىندا توق ىشەكتە قاتەرلى ىسىكتىڭ پايدا بولۋىن تەجەيتىن قۇرامالار بار.