10:59, 20 - اقپان 2019 | GMT +5
قازاقستان ءومىر ءسۇرۋ ساپاسى بويىنشا كوشتىڭ سوڭىندا قالدى
استانا. قازاقپارات - بۇكىل الەمدىك Numbeo دەرەكتەر جۇيەسىنىڭ ساراپتاما ماماندارى ءار ءتۇرلى ەلدەردەگى ءومىر ءسۇرۋ ساپاسىنىڭ 2019-جىلعى رەيتينگىن جاريالادى.
71 مەملەكەتتەن قۇرالعان تىزىمدە قازاقستان 69-ورىننان ءبىر-اق شىقتى دەپ حابارلايدى NUR. KZ.
بۇل رەيتينگتى جاساۋ كەزىندە حالىقتىڭ ساتىپ الۋ قابىلەتتىلىگى، قاۋىپسىزدىگى، دەنساۋلىق ساقتاۋ دەڭگەيى، ءومىر ءسۇرۋ باعاسى، جولعا كەتەتىن ورتاشا ۋاقىت كورسەتكىشى، ەكولوگيالىق جانە كليماتتىق جاعدايى زەرتتەلگەن.
ساراپشىلار العاشقى ورىنداردى دانيا، شۆەيتساريا جانە فينليانديا ەلدەرىنە بەرىپتى.
ال سوڭىنان ساناعاندا ءبىرىنشى بولىپ ەگيپەت جانە يران تۇراقتاعان. قازاقستان بولسا ءتىزىمنىڭ 69-ورنىن مىسە تۇتىپتى.