سەنىمسىزدىك قايدان شىعادى؟
سول دالادا كەيبىرەۋى امالىن تاۋىپ قۇتىلىپ كەتسە، ال كەيبىرەۋى ءومىر باقي قالىپ جاتادى.
ولار سەنى ادەيى تاستامايدى، سەبەبى، ولاردى دا كەزىندە اكە-شەشەسى جاپان دالادا قالدىرىپ كەتكەن. ودان ارى، سولاي-سولاي كەتە بەرەدى، ءجىپتىڭ باسىنا جەتۋ مۇمكىن ەمەس.
جاپان دالا دەگەنىمىز مەكتەپ ءبىتىرىپ ۇلكەن ومىرگە قادام باسقان ساتتە باسەكەلەسكە تولى، ايۋعا قاسقىر، قاسقىرعا تۇلكى جەم بولاتىن ءومىر. ال تاماق، سۋ دەگەنىمىز بويىڭداعى سەنىمدىلىك.
ال تاۋەكەلدىلىك، سابىرلىلىق ت. ت. سياقتى كيىم- كەشەك، قۇرال- سايماندار ايتپاسا دا اتىمەن جوق بولىپ شىقتى بويىڭدا. جالاڭاشسىڭ! كەيبىر اتا- انا بالاسىنا ادەيى جاسايدى: ءوزى امالىن تاۋىپ قۇتىلىپ كەتەدى دەپ، ال كەيبىرى ويلانباي ىستەيدى.
ويلانباي ىستەگەننىڭ سالدارىنان ىشەرگە سۋ، كيەرگە كيىم تاپپاي جۇرگەن وزىنە سەنىمسىز جاستار قانشاما! قاسقىرعا جەم بولىپ شارشاعاندار، ايتەۋىر ءبىر امالىن تاۋىپ جاتسا، ءومىر بويى تۇلكى بولىپ وتەتىندەر دە از ەمەس. وكىنىشتى.
الايدا، ءجىپتىڭ باسىنا جەتە الماساڭ، ونى ءۇزىپ تاستاۋعا كۇشىڭ جەتەدى. عىلىم دامىعان زاماندا (قانشا ۋاقىتىڭ وتسە دە) سەنىمسىزدىكتەن سەنىمدىلىككە، قورقىنىشتان باتىلدىلىققا، جالقاۋلىقتان ەڭبەكقورلىققا، باقىتسىزدىقتان باقىتتى ساتتەرگە ءوتۋ اپساتتە مۇمكىن نارسە. تەك نيەتىڭ بولسا بولعانى.
ال اتا-اناعا قاتىستى. ولار ەشقاشان بالام جامان بولسىن دەمەيدى. ولار سەنى وزىنەن قاتتى جاقسى كورەدى. تەك تاربيەنى ءتۇپسانا (پودسوزنانيە) دەڭگەيىندە بەرگەندىكتەن «دۇرىس ەمەس» دۇنيەلەردى وزدەرى دە اجىراتا الماي جاتادى. سوندىقتان ءوزىڭ وزگەرىپ ولارعا كومەكتەس!
دەرەككوزى: «پ ت» توپتاماسىنان