ادامنىڭ وتىرىك ايتىپ تۇرعانىن قالاي بىلۋگە بولادى

بريتاندىق الەۋمەتتانۋشىلار بىرنەشە جىل بۇرىن ورتاشا ەسەپپەن العاندا، ادام كۇنىنە 4 رەت وتىرىك ايتادى دەگەن تۇجىرىمعا كەلگەن بولاتىن. ولاردىڭ پىكىرىنشە، ەڭ كوپ تارالعان وتىرىك، «قالىڭ قالاي دەگەن» سۇراققا جاۋاپ رەتىندە ايتىلاتىن «ءبارى جاقسى» دەگەن تىركەس. بۇگىندە بەلگىلى پسيحولوگتار اڭگىمەلەسۋشىنىڭ ءسىزدى قالاي الداپ وتىرعانىن انىقتاۋعا بولاتىنىن ءتۇسىندىرىپ بەردى.

بەتىن ۇستاپ، سيپادى

ادامدار وتىرىك ايتقان كەزدە، ماڭدايىن ءسۇرتىپ، شاشىن تۇزەپ، مۇرنىن قاسيدى. ولار وسىنداي جولمەن قالاي تولقىپ تۇرعانىن جاسىرۋعا تىرىسادى. بارىنەن دە، وتىرىكتى جاسىرۋ ءۇشىن قولدانىلاتىن ەڭ كوپ تارالعان قيمىل - اۋىزدى قولمەن جابۋ. وسىلايشا، ادام سۇزگىدەن وتكىزۋ سەكىلدى، ءوز وتىرىگىن جەڭىلدەتۋگە تىرىسادى.

ءجيى جىپىلىقتاپ، كوزىن جاسىرادى

جاسىراتىن نارسەسى بار ادام كوزگە تىك قاراي المايدى. وتىرىك ايتىپ تۇرعان ادامنىڭ كوزقاراسى ءبىر زاتتا توقتاپ تۇرماي، جان- جاققا جۇگىرىپ تۇرادى. ەگەر ادام كوزىن جىپىلىقتاتسا، بۇل دا ويلانۋعا سەبەپ بولادى. بۇل - وتىرىكشى ءوزىن ىڭعايسىز سەزىنەدى دەگەن ءسوز. ول وتىرىك ايتىپ تۇرعاندىقتان، اڭگىمەنى مۇمكىندىگىنشە تەزىرەك توقتاتقىسى كەلەدى.

ءجيى جوتەلە بەرەدى

سترەسستىك جاعدايدا ادامنىڭ اۋزى قۇرعاپ، قۇرعاقتىق مازالا باستايدى. سول كەزدە ول جوتەلىپ، ەرنىن جالاي بەرەدى. ال ەگەر اڭگىمەلەسۋشى اۋىرماسا، ءبىراق ءجيى جوتەلسە، وعان سەنۋگە بولا ما، بولماي ما ويلانىپ كورىڭىز.

قولىندا ءبىر نارسەنى اينالدىرىپ تۇرادى

ادەتتە، وتىرىك ايتىپ تۇرعان ادام قولىن تىنىش ۇستاي المايدى. ول ءاردايىم قولىنداعى زاتتى اينالدىرىپ، شاشىن ساۋساعىمەن بۇيرالاپ، الاقانىن سۇرتەدى.

سويلەۋىن وزگەرتىپ، كىدىرىس جاسايدى

ادامدار وتىرىك ايتىپ جاتقاندا، ولاردىڭ ءسوزى ءجيى وزگەرەدى. ولار دابىرلاپ سويلەپ نەمەسە سوزدەردى سوزا ايتا باستايدى. سوندىقتان، سويلەسۋ كەزىندە كىدىرىسكە دە نازار اۋدارىڭىز. سونداي- اق، وتىرىك ايتقان ادام تەلەفوننان ماڭىزدى حابارلاما العانداي كۇي تانىتىپ، سوزا ەسىنەپ، ساپتىاياقتان شاي ءسىمىرۋى مۇمكىن. ال مۇنىڭ بارلىعى ءۇزىلىس كەزىندە ءسىزدىڭ سۇراقتارىڭىزعا دۇرىس جاۋاپ تابۋ ءۇشىن جاسالادى.

وزىنە- ءوزى قاراما- قايشى كەلۋ

ادامنىڭ وتىرىك ايتىپ تۇرعانىنىڭ بەلگىسى - ونىڭ قيمىلى مەن بەت- الپەتىنىڭ اڭگىمەنىڭ جالپى باعىتىمەن سايكەس كەلمەۋى. ول اڭگىمە بارىسىندا باسىپ يزەپ، ءبىر مەزگىلدە ايتىپ وتىرعان اڭگىمەسىن جوققا شىعارادى. مىسالى، قايعىلى وقيعا ايتىپ، ءوزى كۇلكىسىن ارەڭ قىسىپ وتىرادى. بۇعان قاراپ، ونىڭ ايتىپ وتىرعانىنىڭ وتىرىك ەكەنىن بىردەن اڭعارۋعا بولادى.

اڭگىمەنى باسقا تاقىرىپقا اۋىستىرادى

وتىرىك ايتىپ تۇرعان ادام اڭگىمەنى مۇلدە باسقا تاقىرىپقا اۋىستىرىپ اكەتەدى. ول باسقا نارسە تۋرالى اڭگىمە قوزعاي وتىرىپ، وزىنە جاعىمسىز تاقىرىپتى جابۋعا تىرىسادى. ويتكەنى، وتىرىگى اشىلىپ قالاتىنىن سەزە باستايدى.

Stan.kz