ەرتەڭ ءبىرقاتار وڭىردە قاتتى اياز بولىپ، بوران سوعادى

استانا. قازاقپارات - سينوپتيكتەر قولايسىز اۋا رايىنا بايلانىستى ءبىرقاتار وڭىردە ەسكەرتۋ جاريالادى، دەپ حابارلايدى قازاقپارات قازگيدرومەتكە سىلتەمە جاساپ.

8- اقپاندا تۇندە اقمولا وبلىسىندا 35-40 گرادۋس قاتتى اياز ساقتالادى. كۇندىز كەي جەرلەردە جاياۋ بۇرقاسىن، وڭتۇستىك-شىعىس، وڭتۇستىكتەن سوعاتىن جەلدىڭ ەكپىنى 15-20 م/س جەتەدى.

ەرتەڭ استانا قالاسىندا تۇندە 35-37 گرادۋس قاتتى اياز ساقتالادى.

8- اقپاندا قوستاناي وبلىسىنىڭ كەي جەرلەرىندە جاياۋ بۇرقاسىن، تۇمان كۇتىلەدى. تاڭەرتەڭ جانە كۇندىز وڭتۇستىكتەن جەل سوعادى، كۇشى 15-20 م/س كۇتىلەدى.

قوستاناي قالاسىندا كۇندىز 8- اقپاندا جاياۋ بۇرقاسىن، وڭتۇستىكتەن سوعاتىن جەلدىڭ كۇشى 15-20 م/س كۇتىلەدى.

تۇندە 8- اقپاندا سولتۇستىك قازاقستان وبلىسىنىڭ كەي جەرلەرىندە قاتتى اياز 40 گرادۋس ساقتالادى. كۇندىز كەي جەرلەردە بۇرقاسىن بولادى.

وڭتۇستىك-شىعىستان سوعاتىن جەلدىڭ ەكپىنى 15-20، كەي جەرلەردە 25 م/س كۇتىلەدى.

8- اقپاندا پەتروپاۆل قالاسىندا كۇندىز بۇرقاسىن بولادى. وڭتۇستىك-شىعىستا سوعاتىن جەلدىڭ ەكپىنى 15-20 م/س كۇتىلەدى.

8-10- اقپاندا قىزىلوردا وبلىسىنىڭ كەي جەرلەرىندە تۇمان تۇسەدى. 9-10- اقپاندا كەي جەرلەردە كوكتايعاق، وڭتۇستىك-شىعىس، شىعىستان سوعاتىن جەلدىڭ كۇشى 15-20 م/س بولادى.