سمارتفون ساتىپ الاردا نەنى ءبىلۋ قاجەت؟
زاماناۋي سمارتفوننىڭ كەز كەلگەن تۇتىنۋشىنىڭ كوڭىلىنەن شىعاتىن ءتۇرى جەتەرلىك. ويىن ويناۋعا، فوتوعا تۇسىرۋگە، جۇمىس جاساۋعا ارنالعان تۇرلەرى دە جەتىپ ارتىلادى. دەگەنمەن جاڭا سمارتفون ساتىپ العاندا نەنى نازاردا ۇستاۋ قاجەت.
1. مودەم جانە انتەنناسى كەز كەلگەن سمارتفونمەن قالاعان ۋاقىتىڭىزدا حابارلاسىپ، عالامتوردى شارلاي الاسىز. الايدا بارلىق تەلەفون بۇل تۇرعىدا بىردەي ەمەس. بايلانىس ساپاسىنا جانە عالامتوردىڭ جىلدامدىعىنا مودەم جاۋاپ بەرەدى. ءتىپتى، Wi-Fi ارقىلى عالومتارعا كىرسەڭىز دە بەلگىلى ءبىر مولشەردە ونىڭ جىلدامدىعى مودەمگە بايلانىستى. سوڭعى ۋاقىتتا سمارتفوندار قۋاتتى ۇنەمدەۋگە تىرىسادى، سول سەبەپتى اككۋمۋلياتور قۋاتى ۇزاققا شىداس بەرەدى. سونداي- اق، انتەننانىڭ ماڭىزى زور. كوپ بولعان سايىن، سيگنال جىلدام ءارى قۋاتتى بولادى. ادەتتە تەلەفونعا ەكى نە ءتورت انتەننا ورناتىلادى. مىسالى، iPhone XS جانە XS Max سمارتفونىندا 4, ال iPhone XR- دە 2 انتەننا. بارلىق سمارتفونداردا Intel XMM 7560 مودەمى ورناتىلعانىمەن، انتەنناسىندا ايىرماشىلىق بار.
2. IPX قورعانىس دەڭگەيى سمارفونداردىڭ قورعانىس دەڭگەيىن IPX ستاندارتىنا سايكەس ونىڭ سۋ مەن شاڭعا توزىمدىلىگىن انىقتاۋعا بولادى. قورعانىس دەڭگەيىن حالىقارالىق ەلەكتروتەحنيكالىق كوميسسيا انىقتايدى. IP- دەن كەيىنگى العاشقى سان قۇرىلعىنىڭ قاتتى زاتتاردان قانشالىقتى قورعانعانىن كورسەتەدى. 0 - قورعالماعان، 6 - تولىقتاي قورعالعان. ەكىنشى ساننان سۋعا قانشالىقتى ءتوزىمدى ەكەنىن بايقاۋعا بولادى.
3. قۋاتتاۋ جىلدامدىعى تەلەفونىن تەك كەشكىسىن نە تۇندەي قۋاتتايتىندار ءۇشىن بۇل ماڭىزدى ەمەس. ال ۇنەمى قوزعالىستا جۇرەتىندەر ءۇشىن سمارتفوننىڭ تەز قۋاتتالىپ ءارى ۇنەمدەيتىنى قاجەت. قۋاتتاۋ جىلدامدىعى تەك سمارتفونعا عانا ەمەس، قۋاتتاعىش قۇرىلعىعا دا بايلانىستى. دەگەنمەن سمارتفونىڭىز سىمسىز قۋاتتالاتىن بولسا، ءتىپتى، كەرەمەت.
4. نەيروندى پروتسەسسور وتكەن جىلى وندىرۋشىلەر سمارتفوندارعا جاساندى سانا جۇيەسىن ورناتىپ باستادى. ولاردىڭ جۇمىسى نەيروننى پروتسەسسور قاداعالايدى. نەيروندى پروتسەسسورلار فوتوداعى زاتتى انىقتاپ، فوتونىڭ ساپاسىن ارتتىرۋ ءۇشىن قاجەتتى پارامەترگە بايلانىستى سۇرىپتايدى. سونداي- اق، داۋىس ارقىلى تانۋ جانە قوسىمشا دەرەكتەردى وڭدەۋ وسى نەيروندى پروتسەسسورعا تىكەلەي بايلانىستى. بارلىق قىمبات سمارتفوندا جاساندى ينتەللەكت ورناتىلعان. مىسالى، Apple سمارتفوندارىندا Neural Engine جاساندى ساناسى بار. 5. HDR قولداۋى HDR تەحنولوگياسى ەكرانداعى تۇستەردىڭ قانىقتىعىنا جاۋاپتى. بۇل ارقىلى سمارتفونداعى ەڭ اشىق جانە كۇڭگىرت تۇستەردى انىقتاپ قاراي الاسىز. ءقازىر بۇل تەحنولوگيانىڭ بىرنەشە ءتۇرى بار. ەڭ تانىمالى - HDR10 تەحنولوگياسى. HDR10 اشىق ساياسات ۇستانادى، سول سەبەپتى قولجەتىمدى. Dolby Vision HDR10 تەحنولوگياسىنان الدەقايدا مىقتى بولعانىمەن، ليتسەنزيانى تالاپ ەتكەندىكتەن اسا سۇرانىستا ەمەس.
Massaget.kz