ساپارباي ايداروۆ كاسىبي بوكستاعى العاشقى ايقاسىندا قارسىلاسىن نوكاۋتقا ءتۇسىردى

استانا. قازاقپارات - قازاقستاندىق بوكسشى ساپارباي ايداروۆ كاسىبي مانسابىن جەڭىسپەن باستادى، دەپ حابارلايدى Sports.kz.

ونىڭ كاسىبي رينگتەگى العاشقى قارسىلاسى 24 جاستاعى ءۇندىستاندىق حارش پۋروحيت (0-1) بولدى. ايداروۆ جەكپە-جەكتى ءتورتىنشى راۋندتا تەحنيكالىق نوكاۋتپەن اياقتادى. مۇنىڭ الدىندا قازاقستاندىقتىڭ قارسىلاسى نوكداۋنعا تۇسكەن ەدى.

ايتا كەتەيىك، ساپارباي ايداروۆ 75 كەلىگە دەيىنگى سالماق دارەجەسىندە قازاقستان چەمپيونى. سونداي-اق، ول «Astana Arlans» كلۋبىنىڭ قۇرامىندا ونەر كورسەتتى. ايداروۆ كاسىبي مانسابىن ەكىنشى ورتا سالماقتا باستاعان بولاتىن.