ەلىمىزدەگى ءبىرقاتار وڭىرلەردە ساباق بولمايدى

اقمولا وبلىسىنىڭ مەكتەپتەرىندە بۇگىن ساباق بولمايدى.

«5- اقپاندا اقمولا وبلىسىندا مينۋس 28-33 قاتتى اياز. 0-11 سىنىپ ارالىعىندا ساباق بولمايدى»، - دەلىنگەن ت ج ك تاراتقان حابارلامادا.

شىعىس قازاقستان وبلىسىنىڭ ءبىرقاتار اۋداندارىندا دا بۇگىنگى ساباق وتكىزىلمەيتىن بولدى. وبلىستىق ءبىلىم باسقارماسىنىڭ اقپاراتى بويىنشا، 5- اقپاندا سەمەي قالاسىندا (اۋا تەمپەرەتۋراسى -27، جەل 2 م/س) 1- اۋىسىمداعى 1-9- سىنىپ ارالىعىندا ساباق بولمايدى.

ريددەر قالاسى (28-) 1- اۋىسىمداعى 1-9- سىنىپ ارالىعىندا ساباق بولمايدى.

شەمونايحا اۋدانىندا (31-) 1- اۋىسىمداعى 1-4- سىنىپتىڭ وقۋشىلارى وقىمايدى.

بەسقاراعاي اۋدانىندا (33-) 1- اۋىسىمداعى 1-11- سىنىپ ارالىعىنداعى وقۋشىلارعا ساباق وتكىزىلمەيدى.

قوستانايدا بۇگىن تەمپەراتۋرا 28-30 گرادۋس اياز، جەلدىڭ جىلدامدىعى 15 م/س، كەيدە ەكپىنى 18م/س جەتۋى ىقتيمال. سوندىقتان قوستاناي قالاسىندا ءبىرىنشى اۋىسىمداعى 0-9- سىنىپتار اراسىندا ساباق بولمايدى.

پاۆلودار وبلىستىق ءبىلىم باسقارماسىنىڭ حابارلاۋىنشا، وڭىردە 5- اقپاندا 1- اۋىسىمداعى 1-11- سىنىپتاردا ساباقتار وتكىزىلمەيدى. وڭىردە تەمپەراتۋرا مينۋس 33 گرادۋس، جەلدىڭ جىلدامدىعى 4 م/س.

ەسكە سالا كەتسەك، سينوپتيكتەر 5-7- اقپاندا كۇن كۇرت سۋىتىپ كەي وڭىرلەردە 45 گرادۋس ياز بولادى دەپ بولجاعان.