استانادا جولاۋشىلار اۆتوبۋسى اۋدارىلدى

استانا. قازاقپارات - استانادا جولاۋشىلار اۆتوبۋسى اۆتوموبيلمەن سوقتىعىسىپ، اۋدارىلىپ كەتتى، دەپ حابارلايدى قازاقپارات ءتىلشىسى «استانا LRT»  باسپا ءسوز قىزمەتىنە سىلتەمە جاساپ.

«2019 -جىلعى 1 -اقپاندا №303-اۆتوبۋس جەڭىل اۆتوموبيلمەن سوقتىعىستى. ەكى كولىك تە قابانباي باتىر داڭعىلىمەن ءبىر باعىتتا ءجۇرىپ بارا جاتقان. اۆتوبۋس BUS LANE (قوعامدىق كولىك جۇرەتىن جولاق) جولىمەن جۇرگەن»، - دەلىنگەن حابارلامادا.

الدىن الا دەرەكتەرگە قاراعاندا، جەڭىل اۆتوموبيل اۆتوبۋستى جىبەرمەي، قوعامدىق كولىك جۇرەتىن جولعا شىعىپ العان. جول اپاتى سالدارىنان اۆتوبۋس تا، جەڭىل كولىك تە جول شەتىنە شىعىپ كەتكەن. ساعاتىنا 45 ك م جىلدامدىقپەن جۇرگەن اۆتوبۋستىڭ الدىڭعى بامپەرى جانە ماڭداي اينەگى زاقىمدانعان.

«پوليتسيا قىزمەتكەرلەرى وقيعا ورنىن تەكسەرىپ، حاتتاما تولتىرىپ جاتىر، جۇرگىزۋشىنىڭ ەكەۋىنەن دە تۇسىنىكتەمە الىندى. اۆتوبۋس جۇرگىزۋشىسى بۇرىن جول اپاتىنا ۇشىراماعان»، - دەيدى «استانا LRT»  وكىلدەرى.

 اۆتورى: ازامات سىزدىقبايەۆ