ەلىمىزدىڭ باسىم بولىگىندە قاتتى جەل سوعادى - قازگيدرومەت

قازاقستاننىڭ باسىم اۋماعىندا وڭتۇستىكتەن شىعاتىن تسيكلون اسەرىنەن اۋا رايى قۇبىلمالى بولادى، جاۋىن-شاشىن، كەي جەرلەردە قاتتى جاۋىن-شاشىن كۇتىلەدى، تەك باتىس پەن سولتۇستىكتە اۋا رايى جاۋىن-شاشىنسىز بولادى.

كەي جەرلەردە رەسپۋبليكا بويىنشا تۇمان ساقتالادى، كوكتايعاق، بۇرقاسىن كۇتىلەدى، جەل كۇشەيەدى.

جامبىل، شىعىس قازاقستان وبلىستارىنىڭ كەي جەرلەرىندە تۇمان، كوكتايعاق، جەل 15-20، ەكپىنى 23-28 م/س كۇشەيىپ، بۇرقاسىن سوعادى.

الماتى وبلىسىندا كەي جەرلەردە تۇمان، كوكتايعاق كۇتىلەدى، تۇندە جەل 18-23 م/س، الاكول اۋدانىندا 20-25، ەكپىنى 30 م/س كۇشەيەدى. تۇركىستان وبلىسىنىڭ كەي جەرلەرىندە تۇمان، كوكتايعاق كۇتىلەدى، جەل 15-20 م/س، تۇندە ەكپىنى 25 م/س كۇشەيەدى.

اقمولا، قوستاناي، قاراعاندى، پاۆلودار، سولتۇستىك قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى، بۇرقاسىن بولادى.

قىزىلوردا، ماڭعىستاۋ، باتىس قازاقستان وبلىستارىنىڭ كەي جەرلەرىندە تۇمان كۇتىلەدى،  قىزىلوردا وبلىسىندا - كەي جەرلەردە كوكتايعاق بولادى.