رەلس بويىنداعى سەلفي، قۇلاققاپ جانە ىشىمدىك - تەمىرجول اپاتىنىڭ سەبەپتەرىن ءتۇسىندىردى

«2018 -جىلى قازاقستاندا 72 ادامدى پويىز قاعىپ كەتتى. مۇنىڭ بارلىعى تەمىرجولدا قاۋىپسىزدىك ەرەجەسىن ساقتاماۋدان بولىپ وتىر. كوپ جاعدايدا رەلس بويىندا الكوگولدى ىشىمدىككە ماس ادامدار نەمەسە قۇلاققاپ كيىپ، پويىز دابىلىن ەستىمەگەندەر مەرت بولادى. ايتسە دە، وتكەن جىلدارمەن سالىستىرعانداي مۇنداي اپاتتار %36 ازايدى»، - دەپ حابارلادى ۇلتتىق كومپانيانىڭ باسپا ءسوز قىزمەتى.

«ق ت ج - جۇك تاسىمالى» ا ق حابارلاۋىنشا، وسىنداي اپاتتى بولدىرماۋ ءۇشىن وتكەن جىلى 3200-دەن استام جولاۋشىلار نەمەسە جۇك پويىزىن جەدەل توقتاتۋعا تۋرا كەلگەن.

«وقيعالاردىڭ %90 ىندە لوكوموتيۆتىك بريگادالار ادامداردى، اۆتوكولىكتى نەمەسە مالدى قاعىپ كەتۋدىڭ الدىن الدى. وكىنىشكە قاراي، ساعاتىنا 60-80 شاقىرىممەن جۇرەتىن، سالماعى 6 مىڭ توننادان اساتىن جۇك ۆاگوندارى 600-800 مەتردەن كەيىن عانا توقتايدى»، - دەلىنگەن حابارلامادا.

مامانداردىڭ ايتۋىنشا، قايعىلى وقيعالار تۇرعىنداردىڭ سالعىرتتىعىنان جانە رۇقسات ەتىلمەگەن جەردەن وتۋىنەن تۋىندايدى.

«ستاتيستيكاعا سۇيەنسەك، تەمىرجولدا زارداپ شەككەن ادامداردىڭ %20 قۇلاققاپ كيىپ، لوكوموتيۆ دابىلىن ەستىمەگەن. سونىمەن بىرگە، قىزىق ءۇشىن قاۋىپتى ورىنداردا ويىن ۇيىمداستىرىپ، رەلس بويىنشا سەلفي جاسايتىن ادامدار دا الاڭداۋشىلىق تۋعىزىپ وتىر»، - دەپ حابارلادى ق ت ج باسپا ءسوز قىزمەتى.