ادامداردى جۇرىسىنەن قالاي تانۋعا بولادى؟
استانا. قازاقپارات - تانىس-تامىرلارىڭىزدىڭ كوپتىگى سونداي، ولاردىڭ بارلىعىنىڭ مىنەز-قۇلقىن تولىق بىلە بەرمەيتىن ساتتەر بولادى.
ال جاقىن دوسىڭىزدى بەس ساۋساقتاي ءبىلۋىڭىز عاجاپ ەمەس. ادام بولمىسىن تانۋدا ونىڭ ءجۇرىسى دە ماڭىزدى ءرول اتقارادى. ءوز جاقىندارىڭىزدى جاقىننان تانىعىڭىز كەلسە، تومەندەگىگە ءبىر كوز جۇگىرتىپ شىعىڭىز.
تەز جۇرەتىن بولسا... ءسىزدىڭ ارالاسىپ جۇرگەن ادامىڭىز تەز جۇرەتىن بولسا، ول ادامنىڭ جان دۇنيەسىندە ءوزىن مازالايتىن جاعدايلارى كوپ جانە وزىنە دەگەن سەنىمدىلىگى از دەگەن ءسوز. تەز قوزعالاتىندىقتان قىزۋقاندىلىعى دا بار. قانداي جاعداي بولماسىن ادامداردىڭ بەتىنە تىكە ايتادى. ءوزىنىڭ بىربەتپەيلىگىنەن تاياق جەيتىن ساتتەرى وتە كوپ. كوڭىل-كۇيى اۋىسپالى بولىپ كەلەدى.
اسىقپاي جۇرەتىن بولسا... بۇل جاندار ەرەكشە كوزگە تۇسكەندى جاقسى كورەدى جانە وزىنەن ەشنارسەنى ايامايدى. ءوزىنىڭ «مەنى» بار ادام. قالاعانىن جۇزەگە اسىرا الادى. ءوزىن قاتتى جاقسى كورەدى. ماحابباتقا كەلگەندە اقشا ول ءۇشىن قۇندى، كەي كەزدە جولى بولمايتىن ءساتى دە وسى ماحابباتتان. ءسىز ءۇشىن ودان دا ماڭىزدىسى جان دۇنيەسىنىڭ رۋحاني تازالىعى ەكەنىن ەستەن شىعارماڭىز.
ادىمداپ جۇرەتىن بولسا... وزىنە سەنىمدى جانە ءار نارسە ءوز ورنىمەن بولعانىن قالايدى. رەتسىز تۇرعان دۇنيەگە دە كوڭىلى تولمايدى. ءبىرقالىپتى سويلەۋ مادەنيەتى جاقسى دامىعان. كەز كەلگەن ادامدى قىزىقتىرماي قويمايدى. بۇل سالانىڭ ماماندارى كوبىنەسە جوعارى لاۋازىمدى ادامدار ەكەن.
دەنەسىن تىك ۇستاپ جۇرەتىن بولسا... بۇل جاندار - تالعامپاز جانە ءوز ويىن جۇزەگە اسىرا الاتىن، ويىنداعىسىن ەش مۇدىرمەستەن ايتا الاتىندار. تازالىقتى دا، سۇلۋلىقتى دا جانى قاتتى جاقسى كورەدى. ادامداردىڭ كيىم ۇلگىسىنە باسا نازار اۋدارادى. ەگەر ۇناماسا، ايتا سالۋى ابدەن مۇمكىن.