بۇرقاسىن، كوكتايعاق، ەكپىندى جەل: الداعى ءۇش كۇنگى اۋا رايى بولجامى

«قاڭتار ايىنىڭ اياقتالۋىنا نەبارى ءۇش كۇن قالدى. بۇل كۇندەرى اۋا رايىندا ەلەۋلى وزگەرىستەر بولمايدى. ادەتتەگىدەي، قاتتى ايازدان كەيىن كۇن جىلدام جىلىنىپ، كەيىن قايتا سۋىتادى. الداعى تاۋلىكتە 35 گرادۋستىق ايازدار سۋىق انتيتسيكلونمەن بىرگە شىعىسقا قاراي ىعىسادى.

ال قازاقستانعا كاسپي تەڭىزىنىڭ وڭتۇستىگىندە قالىپتاساتىن تسيكلون كەلەدى. سولتۇستىك- شىعىسقا قاراي ىعىسۋ بارىسىندا تسيكلون وزىمەن بىرگە رەسپۋبليكانىڭ وڭتۇستىك جانە وڭتۇستىك-شىعىسىنا جىلبىسقى قار، كوكتايعاق جانە تۇمان، سولتۇستىك، شىعىس جانە ورتالىققا قار، بۇرقاسىن، ەكپىندى جەل جانە اۋا تەمپەراتۋراسىنىڭ جوعارىلاۋىن الىپ كەلەدى»، - دەلىنگەن سينوپتيكتەردىڭ حابارلاماسىندا.