قىرعىز شەكاراسىنداعى قازاقستاندىقتىڭ ءولىمى: جەدەل شتاب قۇرىلدى

«ءبىزدىڭ كونسۋل تالاس وبلىسىندا وقيعا بولعان جەردە بولىپ قايتتى. جەرگىلىكتى بيلىك وكىلدەرىمەن كەزدەسۋ بارىسىندا وقيعاعا قاتىستى وبەكتيۆتى تەرگەۋ جۇرگىزۋ قاجەتتىگىنە نازار اۋداردى. قىرعىز تاراپى قۇقىق قورعاۋ ورگاندارى بۇل ىستە جان- جاقتى كومەك كورسەتەتىنىنە سەندىردى. كونسۋلدىڭ كومەگىمەن مەرت بولعان قازاقستان ازاماتىنىڭ ءمايىتى تۋىستارىنا بەرىلدى»، - دەيدى مينيسترلىك وكىلى.

ونىڭ ايتۋىنشا، قازىرگى تاڭدا قازاقستان مەن قىرعىزستاننىڭ قۇقىق قورعاۋ، شەكارا قىزمەتى جانە جەرگىلىكتى بيلىك ورگاندارىنىڭ وكىلدەرىنەن جەدەل شتاب قۇرىلىپ، ءوز جۇمىسىن باستادى.

«ءبىزدىڭ بىشكەكتەگى ەلشىلىگىمىز بۇل ءىستى ەرەكشە باقىلاۋعا الىپ، قىرعىز تاراپىمەن ۇنەمى بايلانىستا. سونىمەن قاتار، بۇگىن بۇل ماسەلە جونىندە قازاقستان مەن قىرعىزستاننىڭ سىرتقى ساياسي ۆەدومستۆولارىنىڭ باسشىلارى بەيبىت اتامقۇلوۆ پەن چينگيز ايداربەكوۆ تەلەفون ارقىلى سويلەستى»، - دەدى ا. سمادياروۆ.

ەسكە سالساق، كەشە قازاق- قىرعىز شەكاراسىندا اتىس بولىپ، وقيعا ورنىندا وتانداسىمىز مەرت بولدى.

 كوپ ۇزاماي ەلىمىزدىڭ سىرتقى مينيسترلىگى ورىن العان وقيعاعا قاتىستى تۇسىنىكتەمە بەردى.

اۆتور: داۋلەت ىزتىلەۋ