شىعىس قازاقستاندا ءوز جانازاسىندا ۇيىنە ورالعان ازامات جۇرتتى شوشىتتى
قايعىدان قان جۇتىپ وتىرعان اۋلەت ولدىگە تەڭەگەن ۇلدارى امان ەكەنىن كورىپ، توبەلەرى كوككە جەتكەن دەپ حابارلايدى «التاي نيۋس».
ەركىن ەسىمدى ازامات ءوز ءىنىسى سەرجاننىڭ (رەد. ەسكەرتپە كەيىپكەرلەردىڭ اتى وزگەرتىلگەن) جول اپاتىنان كوز جۇمىپ، دەنەسى ءمايىتحاناعا جەتكىزىلگەنىن ەستىگەندە ەسەڭگىرەپ قالعان. بىردەن سوندا جول تارتقان ول تۋعان باۋىرىنىڭ ءمايىتىن تانىپ، مەڭ-زەڭ بولىپتى.
بۇل حاباردىڭ راس-وتىرىگىنە سەنبەگەن مارقۇمنىڭ اكەسى دە ۇلىن كورۋگە اسىققان ەكەن. ءمايىتحاناعا اياق باسىپ، باۋىر ەتى بالاسىن كورگەن سوڭ ول دا ماڭدايىنان ءسۇيىپ، ەڭكىلدەپ جىلاي بەرىپتى.
وسىلايشا، قارا جامىلعان اۋلەت جان-جاققا حابار تاراتىپ، سەرجاننىڭ جانازاسىن شىعارۋعا دايىندالىپ كەتەدى. ەر-ازاماتتار مالدارىن سويىپ، ايەلدەر باۋىرساقتارىن پىسىرە باستايدى.
وسى ۋاقىتتا ازىق-تۇلىك الۋ ءۇشىن بازارعا بارماق بولعان كەلىنشەكتەردى اۋلەتتەگى جەكسەن تاسيتىن بولىپتى. الايدا، جانازاعا قاجەتتى كەرەك-جاراقتى الۋعا اتتانعان ولار ۇيگە سەرجاندى الىپ كەلگەن ەكەن.
سويتسە، بارلىعى جەر قويناۋىنا تاپسىرىپ جاتقان ول كوشە بويىندا جەكسەننىڭ كولىگىن توقتاتىپ، قايدا بارا جاتقاندارىن سۇراعان. ارتىنشا تۇنىمەن كونسەرتتە بولعانىن، سودان سوڭ دوسىنىڭ ۇيىنە كەتىپ قالعانىن جەتكىزىپتى.
وسىلايشا، ءمايىتحانادان ىنىسىنە ۇقسايتىن ازاماتتىڭ دەنەسىن الۋعا بارا جاتقان ەركىن ۇيىنە ورالادى.
ارتىنشا جانازاعا دەپ جيىلعان جۇرت توي تويلاۋدى باستاپ كەتىپتى.