استانادا ءبىرجاقتى قوزعالىستى دامىتۋ تۇجىرىمداماسى ازىرلەنىپ جاتىر

قالالىق كولىك جانە جول- كولىك ينفراقۇرىلىمىن دامىتۋ باسقارماسىنىڭ مالىمەتىنشە، 2016 -جىلى استانادا ءبىر جاقتى قوزعالىستى ەنگىزۋ كولىك اعىنىنىڭ ورتاشا جىلدامدىعىن 33% - عا ارتتىرىپ، جولداردىڭ وتكىزۋ قابىلەتىن %25 عا دەيىن ۇلعايتۋعا مۇمكىندىك بەرگەن.

مىسالى، كەنەسارى كوشەسىنىڭ بويىمەن ءجۇرۋدىڭ ورتاشا ۋاقىتى 21 مينۋتتان 17 مينۋتقا دەيىن، اباي داڭعىلىمەن ءجۇرۋدىڭ ورتاشا ۋاقىتى 22 مينۋتتان 18 مينۋتقا دەيىن قىسقاردى. ال قوزعالىستىڭ ورتاشا جىلدامدىعى بۇل رەتتە كەنەسارى كوشەسىندە 18,4 ك م/ساع- تان 24,5 ك م/ساع- قا دەيىن، اباي داڭعىلىندا 15,8 ك م/ساع- تان 21 ك م/ساع- قا دەيىن ارتتى.

سونداي- اق، كەنەسارى كوشەسىندەگى قوزعالىس قارقىندىلىعى 1 033 بىرلىك/ساع- تان 1 476 بىرلىك/ساع- قا دەيىن، اباي داڭعىلىندا 759 بىرلىك/ساع- تان 17 بىرلىك/ساع- قا دەيىن ۇلعايدى.

قازىرگى ۋاقىتتا ءبىرجاقتى قوزعالىس استانا كوشەلەرىنىڭ جالپى ۇزىندىعى 15,2 ك م قۇرايتىن 7 ۋچاسكەسىندە ەنگىزىلگەن.

«ماسەلەن، بۇقارباي باتىر جانە جەلتوقسان كوشەلەرىنىڭ قيىلىسىندا ءبىرجاقتى قوزعالىستى ەنگىزۋ قورىتىندىلارى بويىنشا تالداۋ بۇقارباي باتىر كوشەسىندەگى جالپى كولىك اعىنى %17 (303 بىرلىك/ساع- تان 355 بىرلىك/ساع- قا دەيىن) ۇلعايعانىن كورسەتىپ وتىر. وتكەن كەزەڭدە اتالعان جول ۋچاسكەسىندە ج ك و تىركەلگەن جوق»، - دەلىنگەن حابارلامادا.

باسقارمانىڭ مالىمەتىنشە، قازىرگى كەزدە ءبىرجاقتى قوزعالىستى ودان ءارى دامىتۋ تۇجىرىمداماسىن ازىرلەۋ جۇمىسى جۇرگىزىلۋدە. دالىرەك ايتقاندا، كولىك اعىنىنا، باعدارشامدىق رەتتەۋ رەجىمدەرىنە، كولىك قۇرالدارىنىڭ فازا بويىنشا تاراۋ سحەمالارىنا تالداۋ، سونداي-اق، جول قوزعالىسىنىڭ قازىرگى جانە وزگەرتىلگەن ۇيىمداستىرىلۋى كەزىندەگى كولىكتىك اعىنداردى ودان ءارى مودەلدەۋ جۇرگىزىلىپ جاتىر.

بۇل تۇجىرىمداما كولىك قۇرالدارىنىڭ فازا بويىنشا تاراۋ سحەمالارىن وڭتايلاندىرۋ، قاقتىعىس نۇكتەلەرى مەن باعدارشامدىق فازالاردىڭ سانىن ازايتۋ ەسەبىنەن كولىك قوزعالىسىنىڭ ورتاشا جىلدامدىعىن ارتتىرۋعا جانە جول قيىلىستارىنداعى كىدىرىستەردىڭ سانىن ازايتۋعا مۇمكىندىك بەرەدى.