تالدىقورعاندا اكەسى ەكى بالاسىمەن ءيىس ءتيىپ كوز جۇمدى
تالدىقورعان. قازاقپارات - تالدىقورعان ماڭىنداعى سارىارقا ساياجايىنىڭ 3 تۇرعىنى پەشتەن شىققان تۇتىنگە ۋلانىپ، كوز جۇمدى. مارقۇم بولعانداردىڭ بارلىعى ءبىر ءۇيدىڭ ادامدارى، دەپ حابارلايدى قازاقپارات ءتىلشىسى.
«ت ج د- نە وسى وقيعا جايلى اقپارات 9 - قاڭتار كۇنى 17 ساعات 22 مينۋتتا كەلىپ ءتۇستى. پەشتەن شىققان تۇتىنگە ۋلانىپ اكەسى، ەكى بالاسىمەن مەرت بولدى. ال اناسى اۋرۋحانادا جاتىر»، دەدى الماتى وبلىستىق ت ج د باسپا ءسوز قىزمەتىنىڭ وكىلى ازامات جۇرتبايەۆ.
ۆەدومستۆا وكىلىنىنىڭ ايتۋىنشا، قازىر ت ج د قىزمەتكەرلەرى ساياجايلارداعى ءار ءۇيدى ارالاپ، پەشتى پايدالانۋ جونىندە قاۋىپسىزدىكتى ءتۇسىندىرىپ، ساقتىق شارالارىن كۇشەيتۋگە كىرىسپەك.
اۆتور: سامال قابىشيەۆا