اقشا كوبەيتۋ ءۇشىن

بارلىعىندا دا ءبىر ماقسات - اقشا تاپشىلىعىن كورمەۋ، ونى كەرىسىنشە - كوبەيتۋ. اقشانىڭ سيقىرلى كۇشى نەمەسە ەنەرگەتيكالىق قاسيەتى بار ەكەندىگى جايىندا سوڭعى كەزدەرى كوپ ايتىلىپ ءجۇر. قولىڭىزدا ميلليون تەڭگە تۇرىپ، ودان ەشقانداي پايدا كورە الماۋىڭىز دا مۇمكىن، كەرىسىنشە ون مىڭ تەڭگە بۇكىل بايلىقتىڭ نەگىزى بولىپ جاتاتىن اسەرلەرى دە از ەمەس.

اقشاعا بايلانىستى ىرىمداردى ءسىز دە جاساپ كورىڭىز، بالكىم ءسىزدىڭ دە قالتاڭىز قالىڭدار...

اقشانى ەشقاشاندا ۇستەل ۇستىنە قويۋعا بولمايدى. سونىمەن قاتار، كىلتتى، ماشينانىڭ كىلتىن ۇستەلدىڭ ۇستىنە قويۋعا بولمايدى. بۇل ىرىمنىڭ جورالعىسى - ماشينانىڭ كىلتىن قويساڭىز، ايداپ كەتەدى، ءۇيدىڭ كىلتىن قويساڭىز ۇرلاپ كەتەدى.

داستارحاننىڭ ءۇستىن قولمەن سىپىرۋعا بولمايدى، مىندەتتى تۇردە شۇبەرەكپەن، ءارى قيقىمدى قولعا ەمەس، ىدىسقا سالۋ قاجەت. ۇدايى جاساپ كورىڭىز، ءارى قارجىلىق جاعدايىڭىزداعى وزگەرىستى دە باقىلاۋدى ۇمىتپاڭىز.

كۇن باتقاننان كەيىن اقشا ساناماۋعا تىرىسىڭىز. ەگەر ساناۋعا تۋرا كەلسە بىرەۋگە جاساتقانىڭىز ءجون.

ەگەر سىز ساتۋشى بولساڭىز، اقشانى قولما-قول الىپ، ال قايتاراردا ۇستەل ۇستىنە قويعانىڭىز ءجون.

باي، قالتالى ادامداردان قولما-قول اقشا الۋعا تىرىسىڭىز.

كوپ جاعدايدا ۇيدە بوس شىنى ىدىستارى - بانكا، جاشىكتەر تۇرىپ قالادى. بۇلار - «قارا ۇڭگىرلەر» ۇيگە كەلگەن كىرىستىڭ ءبارىن تارتىپ كەتەدى. ەگەر ءسىز بوس ىدىستاردى تاستاۋعا شاماڭىز كەلمەسە ىشىنە مىندەتتى تۇردە بىرنەشە ءدان نەمەسە تيىندار تاستاڭىز. ۇستەل ۇستىنە بوس شىنى قويماۋ دا وسىدان شىققان.

جاڭا اي تۋعاندا باسىڭىزدى ءيىپ سالەم بەرىپ، سوسىن اقشا نەمەسە التىن، كۇمىس كورسەتىپ:

«جاڭا اي قالاي ءوسىپ كەلە جاتسا، ماعان سونداي اقشا كەلسىن» دەپ ايتۋ كەرەك.

سەيسەنبى كۇنى قارىز سۋراۋدان اۋلاق بولىڭىز، كەم دەگەندە ءبىر اي بويى قارىزدا جۇرەسىز دەگەن ۇعىم بار.

ءارۋاقىتتا اقشاڭىزدى ءامياندا ۇستاڭىز. اقشا قالتاڭىزدا قالاي بولسا، سولاي شاشىلىپ جاتسا كىرىس كىرمەيدى. ياعني بۇل اقشانىڭ دا ءوزىن باپتامايتىن جەرگە بارعىسى كەلمەيتىندىگىمەن تۇسىندىرىلەدى. ءاميانىڭىز جىرتىلماعان، ءارى تازا تەرىلەردەن جاسالىنعانى بولۋى كەرەك. سونىمەن قاتار ءاميانعا اقشالاردى رەت-رەتىمەن جانە دە مىجىماي سالعانىڭىز ابزال.

ءاميانىڭىزدا دوللار بولماسا تۇمار رەتىندە ەسكى تيىن سالىپ ءجۇرىڭىز. كەلەسى اقشانى شاقىراتىن بولادى.

قالاي دا بولسا قولدان كەلەرلىك ەرەجەلەر... ۇستانساق مۇمكىن ءبىزدىڭ دە قالتامىز قالىڭدار. نە دەگەنمەن قازىر كوپ نارسە اقشاعا كەلىپ تىرەلۋى - اقيقات.