قالانىڭ قاق ورتاسىندا بۇعى مەن ءيت جەككەن استانالىقتار كوپتىڭ اشۋىنا ءتيدى
استانا. قازاقپارات - ەلوردانىڭ قاق ورتاسىندا ءيت پەن بۇعىنى جەككەن استانالىقتار جۇرتتان وڭباي ءسوز ەستىدى.
جەلى قولدانۋشىلارى اسىرەسە اقشا تابامىن دەپ، جانۋارلاردى «قۇل» قىلعان قوجايىندارىن سوگىپ تاستادى دەپ حابارلايدى NUR. KZ.
تاۋ بۇعىسى مەن حاسكي يتتەرىن جەككەن تۇرعىنداردىڭ ۆيدەوسى Instagram جەلىسىندەگى پاراقشالاردىڭ بىرىندە پايدا بولدى.
وندا قالا تۇرعىندارىنىڭ جانۋارلاردى ات سياقتى جەگىپ، شانا تەۋىپ كەلە جاتقان ءساتىن انىق كورۋگە بولادى.
سونداي-اق، بۇل جاعداي قالانىڭ وڭ جاعالاۋىندا ورنالاسقان ەسىل وزەنىنىڭ بويىنداعى مۇز قالاشىعىندا ورىن العانى بايقالادى.
ءناپاقا تابامىن دەپ دالا جانۋارلارىن «قۇل قىلعان» جانداردىڭ ارەكەتى جەلى قولدانۋشىلارىنا ۇنامادى.
ولار «جانۋارلارعا وبال ەكەن»، «بۋراباي ەمەس، قالانىڭ قاق ورتاسىندا قالاي ءيت جەگىپ ءجۇر؟»، «اقشا نە ىستەتپەيدى»، - دەگەن پىكىرلەرىن جاۋدىرىپ جاتىر.