ەرتەڭ قازاقستاندا وتەتىن ماڭىزدى شارالارعا شولۋ

استانا

ساعات 15.00-دە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى جەمقورلىققا قارسى ۇلتتىق بيۋرونىڭ بريفينگى وتەدى. وندا قوعاممەن بايلانىس جونىندەگى دەپارتامەنت ديرەكتورى ارمان بەردالين تىلشىلەرمەن كەزدەسەدى. سپيكەر وتكەن اپتادا جەمقورلىققا قاتىستى تىركەلگەن قىلمىستىق ىستەر تۋرالى ايتادى.

الماتى

ساعات 11.00-دە «ينتەرفاكس- قازاقستان» اگەنتتىگىنىڭ باسپا ءسوز ورتالىعىندا حريستوۆ روجدەستۆوسى مەرەكەسىنە ارنالعان باسپا ءسوز ءماسليحاتى ۇيىمداستىرىلادى. وعان استانا جانە الماتى ءميتروپوليتى الەكساندر قاتىسادى.

تۇركىستان

ساعات 19:25-تە تۇركىستان قالاسىنىڭ تەمىر جول ۆوكزالىنان «تۇركىستان - شىمكەنت» باعىتىنداعى جەدەل پويىزدىڭ العاشقى رەيسى جولعا شىعادى.